الماتىدا "سالەم"، "جەتىسۋ" جانە "راحات" بازارلارى جابىلادى دەپ حابارلايدى "الماتى ارناسىنا" سىلتەمە جاساي وتىرىپ Qamshy.kz پورتالى.
"باراحولكانىڭ" بەتى بەرى قارادى. بۇگىندە بيلىك تىستەگەننىڭ اۋزىندا كەتكەن 20 گەكتاردان استام تەلىمدى مەملەكەتكە قايتارعان. سونىمەن، 20 بازار تولىق ءسۇرىلىپتى. قالالىق جەر باسقارماسى ماماندارى وسىنداي مالىمەت ايتادى. سوزدەرىنشە، ءقازىر "سالەم"، "جەتىسۋ" مەن "راحات" بازارلارى بۇزىلۋدا. تاعى 5 ساۋدا ورنىنا قاتىستى سوت شەشىمى كۇتىلۋدە.
10 جىل بويى "سالەم" بازارىندا تاماق جاساپ ساتقان مينوحانىم اسحاناسىنا قاجەتتى زاتتارىن جيناۋ ءۇشىن سوڭعى رەت كەلدى. كاسىپكەر جۇمىس ورنىن قيمايدى. ءبىراق وكىنىشى دە جوق. سەبەبى، ءدامحانا ورتكە ءقاۋىپتى ءارى تازالىق تالاپتارىنا ساي كەلمەيدى. ونى ءوزى دە مويىندايدى. سوندىقتان جاڭا سالىنىپ جاتقان ساۋدا ۇيىنە ەرتەرەك كوشىپ، كاسىبىن جالعاستىرۋدى جوسپارلاۋدا.
«بۇرىن سۋىقتا بولدىق. ەندى جىلى جەرگە بارامىز. بۇل ءبىزدىڭ كافە. سونى بوساتىپ جاتىرمىز. بازار ءسۇرىلدى عوي. ەندى ونىڭ ورنىنا دالادا قالمايتىنداي، جاڭا جەر شىعار دەپ ۇمىتتەنەمىن»، - دەدى اسپازشى مينوحانىم مامەتوۆا.
https://www.youtube.com/watch؟v=K6ZssSkYlksبازار باسشىسى «بىردە-بىر كاسىپكەر دالادا قاڭعىپ قالمايدى» دەپ سەندىردى. سەبەبى، كەزىندە 300 ساۋداگەر جۇمىس جاساعان بازار بۇزىلعانىمەن، ورنىنا 400 دۇڭگىرشەككە ارنالعان جاڭا كەشەن بوي كوتەرمەك. ساتۋشىلاردىڭ ۇسىنىسىن تىڭداعان قوجايىن «جاڭا ورىندا ساۋدا جاساۋ ساتۋشىلاردىڭ قالتاسىن جۇقارتپايدى» دەپ وتىر.
«جاعداي جاسالىنعان، جارىق، سۋ بار. گاز تارتىپ قويدىق. جىلۋ دا بار. جالعا بەرۋ قۇنى دۇرىس بولادى. ساۋداگەرلەردىڭ قالتاسى كوتەرەدى دەپ ويلايمىن»،- دەدى بازار باسشىسى باقىتجان قۇرمانباي ۇلى.
جەر قاتىناستارى باسقارماسىنىڭ مالىمەتىنشە، 15 جىل بويى جۇمىس جاساعان "سالەم" بازارى مەملەكەتتىڭ 1 جارىم گەكتار تەلىمىن زاڭسىز يەمدەنىپ العان. وسى سەكىلدى قىزىل سىزىقتان اسىپ كەتكەن 26 بازاردىڭ ءىسى سوتتا قارالىپ، ءبىراۋىزدان جەر تەلىمدەرىن قايتارۋ تۋرالى شەشىم شىعىپتى.
«بىزدە سوتتىڭ شەشىمدەرى شىعىپ جاتىر. ەندى «باتىر» مەن «ەۆرازيا» بازارىنىڭ سوت شەشىمى شىقسا، ءسۇرۋ جۇمىسىن باستايمىز. 1-2 ايدىڭ ىشىندە ءسۇرۋ جۇمىستارىن بىتىرەمىز»،-دەدى الماتى قالاسى جەر قاتىناستارى باسقارماسىنىڭ باس مامانى ەرلان جارمۇحانبەتوۆ.
«باراحولكاداعى» قىزىل سىزىقتا تۇرعان بازاردىڭ بارلىعى ءساۋىر ايىنا دەيىن تولىق ءسۇرىلىپ بىتەدى. ال، ناۋرىز ايىنان باستاپ كەڭەيتىلگەن قالاارالىق كۇرە جولدىڭ قۇرىلىسى باستالادى دەپ جوسپارلانۋدا. وسى رەتتە زاڭسىز يەمدەنگەن 20 گەكتاردان استام جەر تەلىمى مەملەكەتكە قايتارىلدى.
وسى كۇنگە دەيىن «باراحولكادا» 20 بازار سۇرىلسە، جاڭا 9 ساۋدا ءۇيى بوي كوتەرىپ ۇلەگەرگەن. باسشىلاردىڭ ايتۋىنشا، الداعى 2 جىلدا سولتۇستىك اينالما جولدىڭ بويىندا 30-عا جۋىق ساۋدا كەشەنى تۇرعىزىلىپ، 10 مىڭعا جۋىق كاسىپكەر جۇمىسپەن قامتىلماق.
