بۇگىن تالدىقورعان قالاسىنداعى «يمان» مەشىتىنىڭ باستاماسىمەن جانە وبلىس ورتالىعىنا قاراستى ەلدىمەكەندەردەگى جاماعاتتاردىڭ ۇيىتقى بولۋىنىڭ ارقاسىندا «جەتىسۋ جاردەمى» اتتى قايرىمدىلىق كەرۋەنى اياگوز اۋدانىنا اتتاندى. جەتىسۋ جۇرتشىلىعى سۋدان زارداپ شەككەن شىعىس قازاقستان وبلىسىنا 16 تونناعا جۋىق ازىق-تۇلىك جانە كيىم كەشەك سىندى تۇرمىسقا كەرەكتى زاتتاردى جىبەردى.

اپات ايتىپ كەلمەيدى. كوكتەم ۋاقىتىندا كۇن جىلىنىپ، قاردىڭ ەرۋىنە بايلانىستى شقو-عى اياگوز اۋدانىن سۋ باسىپ، ءاپ ساتتە حالىقتىڭ بەرەكەسىن قاشىردى. بۇگىندە توسىننان كەلگەن اپاتتان ابدىراپ قالعان حالىقتىڭ جاعدايى مۇشكىل دەسەك ارتىق ايتپاعانىمىز. وسىنى ەسكەرگەن جەتىسۋ جاماعاتى ءبىر كىسىدەي اتسالىسىپ، قايرىمدىلىق كەرۋەنىن اتتاندىرىپ وتىر.

«اياگوز اۋدانىن سۋ باسقان ساتتە بىزگە قازاقستان مۇسىلماندارى ءدىني باسقارماسىنىڭ ءتوراعاسى، باس ءمۇفتي سەرىكباي قاجى ورازدىڭ اتىنان شۇعىل حات كەلدى. وندا سۋدان زارداپ شەككەندەرگە كومەك قولىن سوزۋ كەرەكتىگى ايتىلعان. سول كەزدەن باستاپ بارلىق الەۋمەتتىك جەلىلەردە حابارلاندىرۋ جاريالاپ، دەرەۋ ىسكە كىرىسىپ كەتتىك. ءبىز وسى كەزدە حالىقتىڭ ىقىلاسىنا تاڭ قالدىق. كەيبىر ادامدار قول ۇشىن سوزۋ ماقساتىندا ۇستىندەگى كيمىن شەشىپ بەرگەندەرى دە بولدى»، — دەيدى تالدىقورعان ءوڭىرىنىڭ باس يمامى ارداق ورازبايەۆ.

ءيا، مەشىت جاماعاتى بۇل ىسكە زور ىقىلاس تانىتقان. ياعني، قولىندا نە بار، مۇمكىندىگىنشە جاردەم كورسەتۋگە تىرىسىپ باققاندىعىن كورۋگە بولادى. ءبىرى ازىق-تۇلىكتەي كومەكتەسسە، ەندى ءبىرى كيىم-كەشەكتەرىن اكەلگەن. «جۇكتەردى كولىككە تيەپ جۇرگەن ازماماتتارىمىزعا ەشقانداي زات قالىپ قالماسىن، ءتىپتى جەرگە شاشىلىپ قالعان كۇرىشتىڭ ءوزىن سىپىرىپ، سالىپ جىبەرىڭدەر. قوراداعى تاۋىعىنا جەم قىلىپ بەرسىن دەپ جاتىرمىز. نەگە؟ سەبەبى، مۇنىڭ بارلىعى حالىقتىڭ شىن نيەتىمەن بەرگەن دۇنيەسى»، — دەيدى يمام.

ارداق ءنۇسىپحان ۇلىنىڭ سوزىنە سۇيەنسەك، اياق كيىم ساتاتىن ءبىر ساۋداگەردىڭ ءوزى 30-40 داناعا دەيىن سۋ جاڭا اياق كيىمدەرىن اكەلىپ بەرگەن. سونداي-اق، جينالعان زاتتاردىڭ ىشىنەن قۇرىلىس ماتەريالدارىن دا كەزىكتىرۋگە بولادى. ماسەلەن، ءبىر قۇرىلىس دۇكەنىنىڭ يەسى قۇنى 547 مىڭ تەڭگە تۇراتىن جەرگە توسەلەتىن لينولەۋمىن قايىرىمدىلىق كەرۋەنىنە قوسىپ وتىر.

جالپى، بۇگىن تالدىقورعان وڭىرىنەن 10 تونناعا جۋىق، ال، اقسۋ، سارقان جانە الاكول اۋداندارىنان قوسىمشا تاعى 6 توننا زاتتاي كومەك قوسىلىپ، جولعا شىقتى. وكىل يمام «جەتىسۋ جاردەمىنە» قارجىلاي كومەكتەسكەندەردىڭ دە قاتارى كوپ ەكەنىن ايتادى. كوپ تۇكىرسە كول بولادى دەمەكشى، قايىرىمدىلىق شاراسىندا 3 ميليون تەڭگەنىڭ ۇستىندە قارجى جينالعان. «ءبىز وسى ءىستى قولعا العان ساتتە نيەت تانىتىپ، تامشىداي بولسا دا ءوز ۇلەستەرىن قوسۋ ماقساتىندا 200-400 تەڭگە اكەلىپ بەرگەن ازاماتتار دا بولدى. ياعني، اركىم جاعدايىنا قاراي كومەكتەرىن بەرىپ جاتتى. قاريالارىمىز زەينەتاقىلارىنان 5000 تەڭگەسىن سىندىرىپ، ۇلەستەرىن قوسىپ جاتىر. وسى اعايىندارعا اللا رازى بولسىن!»، — دەيدى ا.ورازبايەۆ.

مەشىت جاماعاتى وسى قاراجاتقا اياگوز اۋدانىنداعى تۇرمىس تومەن ءبىر وتباسىنا ءۇي الىپ بەرۋدى كوزدەپ وتىر. ايتۋلارىنشا، generique cialis ول جاقتاعى ورتاشا باعاداعى ءۇيدىڭ قۇنى ءۇش نەمەسە ءۇش جارىم ميلليون تەڭگەنىڭ توڭىرەگىندە ەكەن.

اتاپ ايتساق، بۇل قاراجاتتىڭ تەڭ جارتىسى تالدىقورعان قالاسىنىڭ جاماعاتىنان، قالعان بولىگى وبلىس ورتالىعىنا جاقىن ورنالاسقان ەلدىمەكەندەردەن جينالعان. سونىمەن قاتار، كەرۋەندى ءبىر ءوزى باستاپ بارا جاتقان وكىل يمام جەتىسۋ جۇرتشىلىعىنىڭ اتىنان اياگوز اۋدانىندا 350 ادامعا اس بەرىلەتىندىگىن دە ايتىپ قالدى.

«ءدىني باسقارمامىز بۇل قايرىمدىلىق كەرۋەنىن جىبەرۋدى شقو-نا جاقىن ورنالاسقان وڭىرلەرگە تاپسىرعان بولاتىن. الايدا، وڭتۇستىك قازاقستان وبلىسى جانە استانا مەن الماتى قالاسى ەشقانداي تاپسىرما الماستان وزدەرى نيەت تانىتىپ، ولار دا كەرۋەندەرىن اتتاندىرىپ وتىر. قايرىمدىلىق كورسەتۋ — ءبىزدىڭ قانىمىزدا بار قاسيەت. ونى بەرگەن ادامدا دا، العان ادام دا قۋانادى»، — دەيدى وكىل يمام.

ارداق ءنۇسىپحان ۇلى وسى شاراعا ءبىر كىسىدەي اتسالىسقان بارلىق مەشىت جاماعاتىنا جانە حابارلاندىرۋدى جارنامالاپ، ەلگە جەتكىزىپ وتىرعان ب ا ق وكىلدەرىنە، بلوگەرلەرگە شىنايى العىسىن ءبىلدىردى.

بايكەن ساداۋاقاسوۆ، تالدىقورعان قالاسىنىڭ تۇرعىنى، مەشىت جاماعاتى:

— مىنە، تالدىقورعان ءوڭىرىنىڭ باس يمامى ارداق ۇستازىمىز باستاپ، ول كىسىنى بارلىق مەشىت جاماعاتى ءبىراۋىزدان قولداپ سۋدان زارداپ شەككەن اعايىندارعا قولدان كەلگەنشە قومەك قولىن سوزىپ جاتىر. نيەت تانىتقان بارلىق باۋىرلارىمىزعا اللا رازى بولسىن. اپات ايتىپ كەلمەيدى. بۇل دا ءبىر اللانىڭ بىزگە جىبەرگەن سىناعى دەپ بىلەمىز. تەك، سوعان سابىر قالىپ، مويىنسىنا ءبىلۋىمىز كەرەك. وسىنداي قيىن قىستاۋ كەزەڭدە بىر-بىرىمىزگە تىرەۋ بولىپ، كومەكتەسىپ جاتساق — قازاقتىعىمىزدىڭ، مۇسىلماندىعىمىزدىڭ نىشانى دەپ بىلەمىن.