بۇگىن الماتى تۇرعىندارىنىڭ الدىندا ەسەپ بەرگەن اكىم احمەتجان ەسىموۆ قالانىڭ ۇستىمىزدەگى جىلداعى جالپى بيۋدجەتى تۋرالى بايانداما جاسادى. اكىمنىڭ ەسەبىن تىڭداۋعا كەلگەن جۇرتتىڭ قاراسى مول بولعانى سونشا، ءتىپتى زالدا ينە شانشار ورىن بولمادى. سالەمدەسۋىن قازاق تىلىندە باستاعان ەسىموۆ ارى قاراي بايانداماسىن ورىس تىلىندە جالعادى.
ەسىمىوۆتىڭ ايتۋىنشا بىلتىرعى جىلى الماتى قالاسىنىڭ بيۋدجەتى 352،3 ملرد. تەڭگەگە جەتىپتى. اۋقىمى جاعىنان ءىرى مەگاپوليس سانالاتىن الماتى قالاسىندا بىلتىرعى جىلمەن سالىستىرعاندا قارىز الۋشىلاردىڭ قاراسى ارتىپ، 39،6 پايىزعا وسكەن. بۇل تەڭگەگە شاققاندا 6 290، 3 مرلد. تەڭگە. ال الماتىلىق سالىق تولەۋشىلەر ۇستىمىزدەگى جىلى مەملەكەت قازىناسىنا 1 ترلن. 429،1 ملرد. تەڭگە سالىق اۋدارسا، ونىڭ 307،8 مرلد. تەڭگەسى قالالىق بيۋدجەت ەسەبىنە تۇسكەن. اكىم مىرزانىڭ ستاتيستيكاسى وسىلاي سويلەيدى.
ءبىر تاڭعالارلىعى قازاقستان رەسپۋبليكاسىنىڭ "مەملەكەتتىك ءتىلى - قازاق ءتىلى" ەكەندىگى ەسىموۆتىڭ ەسىنەن شىعىپ كەتكەن سياقتى. كوپىرگەن ءسوزدىڭ كوپ بولىگىن رەسەيدىڭ مەملەكەتتىك تىلىندە سويلەدى. ءتىپتى ورىس تىلىندە قويىلعان سۇراققا قازاقشا جاۋاپ بەرگەن قىزمەتكەرىنە زەكىپ تە جىبەردى.
سوعان قاراپ، وسى احمەتجان مىرزا قازاقستان رەسپۋبليكاسىنىڭ 1991 جىلى تاۋەلسىزدىك العانىن بىلمەي مە دەگەن كۇمانعا قالدىق. وعان سەبەپ وتكەن جولى ءدال تاۋەلسىزدىك كۇنى قارساڭىندا دا ءوزىنىڭ تۋعان كۇنىن تويلاۋعا قالانىڭ سىرتىنا شىعىپ كەتىپ، بارلىق ۇيىمداستىرىلعان شارالار اكىمسىز وتكەن ەدى. ال بۇگىن باياعىداعى سوۆەت وداعىنىڭ ءبىر جينالىسىندا تۇرعانداي نەمەسە ماسكەۋدىڭ ءبىر تۇكپىرىندە ەسەپ بەرىپ جاتقانداي اسەر قالدىردى.
جالپى، ستاتيستيكا بويىنشا (2013 جىلعى مالىمەت) الماتى قالاسىنىڭ ءتۇرعىندار سانى 1 946،6 مىڭ ادامدى قۇراسا، ولاردىڭ 55 پايىزى قازاقتار. ال 64 پايىز الماتىلىقتار مەملەكەتتىك ءتىلدى ەركىن مەڭگەرگەن دەپ كورسەتىلگەن.
ءبىز وسى ماسەلە بويىنشا جاڭارتىلعان دەرەكتەردى بىلمەك بولىپ، الماتى قالالىق ستاتيستيكا دەپارتامەنتىنە حابارلاسقان ەك، سويتسەك قالانىڭ باسشىسى تۇگىلى قاراپايىم قىزمەتكەرلەرى دە ورىسشا بىلمەسەڭ جاۋاپ قايتارمايدى ەكەن.
جۋرناليست: - اللو، بۇل الماتى قالالىق ستاتيستيكا دەپارتامەنتى مە؟
مامان: -دا!
جۋرناليست: - قازاق ءتىلىن ءتىلىن تۇسىنەسىز عوي؟
مامان: -نەت!
جۋرناليست: - مەملەكەتتىك ءتىلدى نەگە بىلمەيسىز؟ ءسىز رەسمي دەپارتامەنتە قىزمەت ەتەسىز. سوندىقتان مەملەكەتتىك ءتىلدى ءبىلۋىڭىز كەرەك ەمەس پە؟
مامان: -نو رازگوۆاريۆات نا رۋسسكوم نيكتو نە زاپرەششال جە.
جۋرناليست: - قازاق ءتىلىن بىلەتىن باسقا بىرەۋ بار ما؟
مامان: نەت.
جۋرناليست: ء-سىزدىڭ ەسىمىڭىز كىم جانە قانداي لاۋازىم يەسىسىز؟
مامان: -ەۆگەنيا.پ. سپەسياليست
جۋرناليست:- سونىمەن ماعان قازاق تىلىندە اقپارات بەرە الاسىز با؟
مامان:-يمەننو چتو حوتەلي؟
جۋرناليست: -الماتى قالاسى بويىنشا تۇرعىندار سانى تۋرالى جاڭارتىلعان دەرەكتەر كەرەك ەدى.
مامان: -ەتوت ۆوپروس نە ك نام. ۋ ناس نەت تاكوي ينفورماسيا. يزۆينيتە.
