بىلەم، ءالى ءجۇز جىلاپ، ءجۇز كۇلەرمىن، ءۇمىت كەشىپ، ءجۇز مارتە ۇزدىگەرمىن. ومىرىمدە وتكىنشى سان اداسىپ نەبىر ويدى سانامنان سۇزگىلەرمىن. بىلەم، ءالى ءجۇز جىلاپ، ءجۇز كۇلەرمىن، ىركىتىنە اينالمان ىزگىلەردىڭ. جىلتىر قوعام كۇلدىرەر ءبىز بىلەر مىڭ اقيقاتى جىلاتار ءبىزدىڭ ەلدىڭ. ءبىر قاراساڭ دۇنيە كەڭ سەكىلدى، ءبارى جاقۇت، ءبارى دە ءجون سەكىلدى. ەسىل ەلىم ەركىندىك تويىن تويلاپ تەرەزەسى تالايمەن تەڭ سەكىلدى. اق قاعازعا باسىلعان نۇكتەدەي بوپ جالعىز عانا اقىماق مەن سەكىلدى. ءبىر قاراسام شىر قوعام باستان كەشكەن، قوتىر تۇيە سەكىلدى قاشقان كوشتەن. جوعارعى جاق جايپاي جەپ، پاي-پاي دەسكەن تومەنگى جاق ايقاي كوپ، استاڭ-كەستەڭ. مازالاعان ۇرىن وي ەسىمدى الدى، دەلىقۇل تەڭسەلگەن دەسىم قالدى. شىن-وتىرىك كۇرەسكەن كۇندە مىناۋ بىرەۋلەرگە ومىرلىك ءوشىم قالدى. دوسىمىزدان قاپتاعان قاسىمىز كوپ، ماقتانامىز تاريحتىڭ باسىمىز دەپ. ال ەندەشە ەرلىكپەن كۇرەسەيىك بابامىزدىڭ جوعالعان باسىن ىزدەپ. ساقتان قالعان تەكتىلىك كونە سارقىت، جەت بۇگىنگە كەرەكسىڭ ەلە شارپىپ. تەك ءبىز ءۇشىن قاپتاعان كوسەمدەردەن حان كەنەنىڭ باسى جوق دەنەسى ارتىق. زەرەك بولسەڭ دەنىڭدى دەرەكتى ىزگە ەركەك قايسى ەلىم دەر ەرەك بىزدە ءدوڭباستاردى تاۋبەگە كەلتىرەتىن يساتايلار بۇگىندە كەرەك بىزگە. ارمانداعان ايدىنعا ءجۇز باتارمىز، سايقالداردىڭ سازايىن سىزداتارمىز. بۇگىن ولار، ال ەرتەڭ ءبىز كۇلەرمىز بۇگىن توڭساڭ بىزدە ەرتەڭ مۇزداتارمىز. ءوزىمشىلمىن، سونىما وكپەلىمىن، ءسونىپ بارا جاتقانداي ەپتەپ ءۇنىم. ءبىراق باتىر ۇلداردى تۋدىرارمىز ەگەر بولساق ۇرپاعى كوك ءبورىنىڭ!  

اق كوبىك شايناعان، اق-جەلمەن ويناعان، جىلقىنىڭ كىسىنەگەنى كەڭدىككە قۇشتار كىل، ەندىككە تۇسپال ءبىر تۇندەردە تۇسىمە ەنەدى. سايگۇلىك جىرىمدى جانىمدى-سىرىمدى، اتتەڭ-اي، ادامدار ەمەس ءموپ-مولدىر كوزدەرى تەك سول ءبىر كەزدەرى ارعىماقتار عانا تۇسىنەر ەدى. مۇقاتىپ -كەكەتىپ، كەكەتىپ-مۇقاتىپ، سىرتىڭنان مازاقتاسا دا ناداندى قارا!-دەپ، قارانى نادان-دەپ جوڭقالاپ، ازاپتاسا دا تۇلپارىم سەكىلدى جىرىم دا كەكىلدى، سەن شاڭعىتقان شاباندوز كورسەڭ باباسى تاقىمداپ، بالاسى توقىمداپ ات مىنگەن الىپ ءبىر-قازاققا سانا! جالىن جەل تاراعان ەرىمە جاراعان ايعىرلار تۇسىمە ەنەدى تۇسىمە ەنەدى ىشىمە ەنەدى ولاردىڭ كىسىنەگەنى سايقىعا مازاق بوپ مازاققا قايقى بوپ جۇرگەنىم وسى ءبىر كۇنى تۇلپار دا، مىنەز دە... سىرتىم ساۋ... مۇڭ ەزبە اتتەڭ-اي ءىشىم ءولى ەدى... وتكەنگە ساعىنىش، اق قۇسىم الىپ ۇش تۇلپارسىز تارىلدى دالا قاپتاعان كولىكتەر كولىكتە ولىكتەر ءمۇجيدى جانىمدى جارا جىلقىنىڭ تەر ءيىسى كوڭ قاتقان جەر ءيىسى قامشىنىڭ تابى ءيىسى قولىما سىڭگەن ەمىس ءبىر ەسكە كەپ قالعاندا كەستە بوپ وكىنىش سوقتىرار سانىمدى عانا...  

جەڭىمە جاماۋ تۇسكەنىن جارلىلىق سەنەن كورەمىن. جاعاما قولدىڭ تيگەنىن جالعىزدىق سەنەن كورەمىن تالابىما جەتكىزسەڭ كەمشىلىكتى بۇل كورگەن كۇنىڭدە بايقاپ كورەمىن! اقتامبەردى سارى ۇلى ومىرگە كەلدىم جالپى بوپ ولەڭگە كەلدىم جالقى بوپ، كارىلەر اقساپ اقىلدان، جاسىمنان كىردىم تاقلى كوپ جاۋقىزىن جىرىم جاس تالداي جاسىنمىن دەسەم جاسقانباي جاقسىنىڭ اتى اسپانداي جاماننىڭ ءوزى بوس قانداي؟! اقتان جىراۋىم دەگەندەي ولەڭگە تۇلپار كوگەندەي قامبانىڭ جەمىن جەگەندەي توبىڭدى جارىپ مەن كەلدىم ينەدەن ۇلكەن تەبەندەي بەتەگەن جالدى بەكتەردىڭ دالاداي دارقان تەكتى ەلدىڭ ارمانىنا جارالعان سارقىنشاعى بوپ كەلدىم تەڭىزگە تامعان تامشىداي توبىلعى ساپتى قامشىداي مەن تۋعان كۇنى زارلاپتى زاپىران جۇتقان سان شىعاي جەڭىڭە جاماۋ سالدىرماي جاعاڭدى جاۋعا الدىرماي ەلىم دەپ تۋىپ، ەل ءۇشىن اتىمنىڭ باسىن شالدىرماي قىزمەت ەتسەم دەپ كەلدىم! ءومىردىڭ قىلىن شەرتكەن مۇڭ ولەڭگە عانا سەرت بەردىم!

جاس اقىن، جۋرناليست، "ومىرگە ولەڭ اكەلە بەرەم" جىر جيناعىنىڭ اۆتورى. بىرنەشە حالىقارالىق جانە رەسپۋبليكالىق جىر ءمۇشايرالارىنىڭ ديپلومانتى. قازاقستان جازۋشىلار وداعى مەن DA پلاتفورماسىنىڭ ارنايى م.ماقاتايەۆ سىيلىعىنىڭ يەگەرى. حالىقارالىق "م.جۇمابايەۆ" ادەبي بىرلەستىگىنىڭ مۇشەسى. رەسپۋبليكالىق "ارقاس الۋى" ادەبي بىرلەستىگىنىڭ مۇشەسى.