ءال-فارابي اتىنداعى قازۇۋ-دا تۇركى تىلدەس ەلدەر جازۋى مەن لاتىن الىپبيىنە ارنالعان دوڭگەلەك ۇستەل وتىرىسى ءوتتى، - دەپ حابارلايدى Qamshy.kz پورتالى.

جيىنعا قازاقستان مەن تۇركيانىڭ جەتەكشى تاريحشى عالىمدارى مەن فيلولوگ ماماندارى ا. بايتۇرسىنوۆ اتىنداعى ءتىل ءبىلىمى ينستيتۋتىنىڭ باس عىلىمي قىزمەتكەرى، ف،ع،د.، ءالىمحان جۇنىسبەك، باس عىلىمي قىزمەتكەرى، ف.ع.د.، پروفەسسور نۇرگەلدى ءۋالي، جەتەكشى عىلىمي قىزمەتكەر، ف.ع.د.، عاريفوللا انەس، ديرەكتور ورىنباسارى، ف.ع.ك.، دوسەنت فازىلجانوۆا انار مۇرات قىزى، انكارا (تۇركيا) حاجەتەپە ۋنيۆەرسيتەتىنىڭ پروفەسسورى مەحمەت دەرۆيش كالىنچكايا، س. دەمەرەل اتىنداعى ۋنيۆەسيتەتتىڭ قازاق فيلولوگياسى كافەدراسىنىڭ دوسەنتى، ف،ع،د.، قۇرالاي كۇدەرينوۆا، ف.ع.ك.، دوسەنت امانقوس مەكتەپتەگى، سونداي-اق قازۇۋ-دىڭ وقىتۋشى-پروفەسسورلىق قۇرامى مەن ستۋدەنتتەرى قاتىستى.

دوڭگەلەك ۇستەلدە تۇركى حالىقتارىنا ورتاق ءالىپبي قۇراستىرۋ قاجەتتىگى، سونىمەن قاتار لاتىن الىپبيىنە كوشۋ ۇلگىلەرى تالقىلاندى. جيىندا ءسوز العان ب.سۇلەيمەنوۆ اتىنداعى شىعىستانۋ ينستيتۋتىنىڭ جەتەكشى عىلىمي قىزمەتكەرى، ف.ع.ك.، ءناپىل بازىلحان لاتىن قارپىنە كوشۋ كەزەڭىنە بايلانىستى ءوز جوباسىن تانىستىردى. «ءبىزدىڭ ەلىمىز لاتىن الىپبيىنە كوشۋگە تولىققاندى دايىن. قۇرامىندا فيلولوگتار، لينگۆيستەر، ءتىلتانۋشىلار بولعان ءبىزدىڭ عىلىمي قاۋىمداستىق لاتىن الىپبيىنە اۋىسۋدىڭ بارىنشا ءتيىمدى تۇستارىن قاراستىرماق. ءبىز وزگەرىسكە دايىنبىز، سونداي-اق، ۇنەمى ىزدەنىس پەن زەرتتەۋ ۇستىندە جۇرگەن ارىپتەستەر ءتىلدىڭ دىبىستىق فونەماسىن ساقتاي وتىرىپ، دىبىستىڭ ارىپپەن ۇندەستىك تابۋىنا دا كوڭىل بولمەك»، – دەدى ن. بازىلحان.

حاجەتەپە (تۋركيا) ۋنيۆەرسيتەتىنىڭ پروفەسسورى مەحمەت كالىنچكايا: «بۇل باستامالارىڭىزدى قولدايمىن، جانە تەز ارادا قولعا الۋلارىڭىز كەرەك. تامىرى ءبىر تۇركى جۇرتىن ورتاقتاستىرۋعا جاسالعان قادامدارىڭىز دەپ بىلەمىن. ءبىراق،ءتىلتانۋشى عالىمدار مەن لينگۆيستەردىڭ كومەگىمەن ءالىپبيدىڭ بارىنشا وڭتايلى نۇسقاسىن ۇسىنۋلارىڭىز كەرەك. وزبەكستان تاجىريبەسىندە كەزىككەن قاتەلىكتەرگە بوي الدىرماي، ءتيىمدى جولىن قاراستىرعان دۇرىس» – دەدى.

ا. بايتۇرسىنوۆ اتىنداعى ءتىل ءبىلىمي ينستيتۋتى ديرەكتورىنىڭ ورىنباسارى انار فازىلجانوۆا. وسى عىلىمي زەرتتەۋ بارىسىندا جيناقتاعان تاجىريبەسىمەن بولىسە وتىرىپ، لاتىن الىپبيىنە كوشۋ ماڭىزدىلىعىنا توقتالدى. «قازىرگى تاڭدا الەم ەلدەرىنىڭ 80% -دان استام بولىگى لاتىن ءالىپبيىن قولدانادى. ەلباسىمىز ءبىزدىڭ الدىمىزعا ايقىن ماقساتتار جۇكتەپ، 2025 جىلعا دەيىن لاتىن الىپبيىنە كوشۋ ۇدەرىسىنە ءتيىمدى ادىستەردى ۇسىنۋدى تاپسىردى»،-دەدى.

 ورىنباسار باقىتبەكوۆ