تۋ تىككەن ايبارلى بەكەمدەپ تۇعىرىن. قازاقتىڭ كورسەتكەن ماڭگىلىك عۇمىرىن. شاڭىراق كوتەرگەن ىرگەلى وردانىڭ، ىرىمداپ قاداعان قايىسپاس ۋىعىن. ماڭدايىن سيپاعان ساحارا سامالى. ءباحادۇر ەرلەردىڭ ورناتقان قامالى. كەرەي مەن جانىبەك كوتەرگەن بايراقتىڭ، ايتۋلى الەمگە اتاعى تارادى. تۇراننىڭ دالاسى تۇركىنىڭ بەسىگى. وعىلان الاشتىڭ جازىلعان نەسىبى. ارقانىڭ تورىنە ات باسىن تىرەۋگە، اۋەلەپ كەلەدى التايدان كوش ءۇنى. كوك تاسى سويلەگەن كوشپەندى بابالار. قويناۋى تاريح، سىر تۇنعان دالام ءار. ۋاقىت كەرۋەنى بۇيداسىن ۇستاعان، تايپالىپ كەلەدى قازاقتاي قارا نار. كوك تۇرىك ۇندەرى بالبالدا جاڭعىرىپ. كوك اسپان نۇرىمەن اتاتىن تاڭ كۇلىپ. كوك ءبورى رۋحى جەبەگەن حالىقتىڭ، كوك تۋى بيىكتە جەلبىرەۋ زاڭدىلىق. جاندوس امانجول ۇلى – 1990 جىلى تۋعان. س امانجولوۆ اتىنداعى شىعىس قازاقستان مەملەكەتتىك ۋنيۆەرسيتەتىنىڭ تۇلەگى