الماتىنىڭ جول-پاترۋلدىك پوليسياسى "كىسى ءولتىرۋ" دەرەگىنىڭ بەتىن اشتى. اسا اۋىر قىلمىس تۇنگى ساعات ۇشتەردە ناۋرىزباي اۋدانىنداعى "شۇعىلا" ىقشام اۋدانىنىڭ جەكە سەكتورىندا جاسالعان.

بۇل تۋرالى الماتى ارناسى "كۋاگەر" باعدارلاماسى حابارلايدى. پىشاق جاراقاتىن العان ەر ادامدى كورشى ورنالاسقان ءۇي تۇرعىنى بايقادى. ءمالىم بولعانداي، سول ازاماتشا ءبىرىنشى كەزەكتە 102 پۋلتىنە جانە جەدەل جاردەم قىزمەتىنە حابارلاعان. وكىنىشكە قاراي، ەر ادامدى امان ساقتاپ قالۋ مۇمكىن بولمادى. ءپاترۋلدى پوليسەيلەر سول ماڭايدا تەكسەرىس جۇمىستارىن جۇرگىزدى. ادام ءولتىرۋ دەرەگىنە قاتىستى دەگەن كۇدىكپەن ۇستالعان ءۇش ادام بىردەن ءتارتىپ ساقشىلارىنىڭ قولدارىنا تۇسكەن. جەدەل تەرگەۋ توبى كىسى ءولىمىنىڭ سەبەپتەرىن انىقتاۋ ءۇشىن سوت-مەديسينالىق ساراپتاما تاعايىندادى.

باستاپقى مالىمەتتەر بويىنشا، 27 جاستاعى وڭتۇستىك قازاقستان تۇرعىنى كەۋدە تۇسىنا ەكى مارتە كەلتىرىلگەن پىشاق جاراقاتىنان كوز جۇمدى. اتالعان فاكتى بويىنشا كامەنكا پوليسيا بولىمىندە قىلمىستىق ءىس قوزعالدى.