حودجالى قاسىرەتى-ازىربايجان باۋىرلاردىڭ عانا ەمەس، ءتۇبى ءبىر تۇركى حالىقتارىنا ورتاق قاسىرەت. وسىدان 13 جىل بۇرىن، 1992 جىلدىڭ 25-ىنەن 26-سىنا قاراعان تۇنگى سۇراپىل شابۋىلدا جۇزدەگەن بەيبىت تۇرعىن سولاقاي ساياسات پەن ارام پيعىلداردىڭ قۇربانى بولدى. ونداعان ءبۇلدىرشىننىڭ باقىتتى بالالىق شاعى وققا بايلانىپ، ونداعان اياعى اۋىر كەلىنشەكتىڭ قۇرساعىنداعى شاراناسى جاتىرىندا تۇنشىقتى. اللادان بالا-شاعاسىنىڭ اماندىعىن تىلەپ، وتباسىنىڭ كيەسى بوپ وتىرعان قانشاما قاريا قاپيادا قازا تاپتى.

حودجالىداعى قاندى قىرعىن ەندى بىردە ءبىر ەلدە قايتالانباۋى ءتيىس. ەشبىر ەلدىڭ اشىق اسپانىن بۇلت باسپاسىن. ول ءۇشىن حالىقارالىق زاڭداردى بەلشەسىنەن باساتىنداردى تەزگە سالۋ قاجەت. ءازىربايجان پرەزيدەنتى جانىنان قۇرىلعان ۇكىمەتتىك ەمەس ۇيىمداردى قولداۋ مەملەكەتتىك كەڭەسىنىڭ ارمەنيا پرەزيدەنتى سەرج سارگسيانعا قاتىستى پەتيسياسىن قولدايمىن! تاۋلى قاراباقتاعى ساياسي ويىندار سالدارىنان قانشاما ادام زارداپ شەكتى. سوندىقتان ادىلەتتىلىكتىڭ ورناعانىن قالايمىن. ءبىز ءازىربايجاننىڭ تەرريتوريالىق تۇتاستىعىن قالايمىز.  حودجالىداعى قاندى قىرعىنعا كىنالىلەردى جازالاۋعا قۇلشىنعان ءازىربايجان باۋىرلارمەن بىرگە بولۋعا شاقىرامىز!!! حودجالىدا ارميان اسكەرلەرى بالا-شاعا، اياعى اۋىر ايەل، قاريا دەمەي، مالشا باۋىزدادى. سول كۇنى شابۋىلداعان اسكەرلەردىڭ كومانديرى قازىرگى پرەزيدەنت سارگسيان (ساركيسيان) بولعان ەكەن. ەندى ءازىربايجان باۋىرلار حالىقارالىق سوتقا جۇگىنبەك.

 ق ر «تۇركىتىلدەس جۋرناليستەر قورى»