«قازاق حاندىعىنىڭ - 550-جىلدىعىنا» ارنالعان جىر ءمۇشايراسىنا   ىرگەسى بەرىك ەلدى جاۋ الا الماس، اۋزى ءبىر ەلدى داۋ الا الماس. حالىق ناقىلى جاۋدان جاعا بوساماي الاشاپقىن بىتپەگەن، ۇلى دالا توسىندە شۇبىرعان كوش جۇكپەنەن، ءۇمىت وتى سونبەدى ەل جىلاعان بوسقىندا ءبورى ايباتتى ەرلەردىڭ رۋحىمەنەن تىكتەنەم. ەڭسەلەرى بۇگىلمەي ەسىل ەرلەر دىگىردەي، بۋىرقانسا كوش باستاپ، شىندىق ويىن بۇكپەگەن، ەل تۇتقاسىن ۇستاعان، كەرەي مەنەن جانىبەك، قوزىباستا جەتكەندى ماقساتىنا دىتتەگەن ب ا ق بوپ كەلدى قازاققا ءتاڭىر سىيى كۇتپەگەن. بوز جۋساندى دالادا سامساپ قالىڭ قول جاتقان، جاننان اسقان ەرلەرگە ەلدىڭ شەبىن قورعاتقان، بوزقوناقتا تۇنەدى، بوزقىراۋلى كۇندەردە ءبورى كەۋدە باتىرلار ۇلتى ءۇشىن زور ماقتان. قارسى تۇرىپ جاسىنعا قاسقا جولدى قاسىمدا، بەكزادالىق تانىتىپ، ءوز جارلىعىن ورناتقان، قاراشاعا دۋ بەرگەن، ۇرانى اسقاق دۇرلەردەن مىڭ حاباردى جەتكىزەر ەسىل ۋاقىت سول جاقتان. التىن تۇعىر ۇستىندە ەركى كۇشتى حاندارىم، داناگويلىك اقىلدىڭ ارقاسىندا جول تاپقان. بولاشاقتى بەتكە الىپ، جىلجىپ العا كۇن كەمەم، تۇعىرىندا تۇرا الماس ءتول تاريحىن بىلمەگەن، حاقنازار مەن ەسىم حان ەلدىڭ التىن دىڭگەگى سىرى اشىلار جۇمباقتىڭ ولگەندىگى كىم نەدەن. سالقام جاڭگىر، تاۋكەنىڭ سارا جولى سايراپ تۇر، تىنىشىن اپ حالقىنىڭ جوڭعار كەلىپ ىرگەدەن، حان اسىلى ابىلاي، ەلدىڭ تۋعان باعىنا. قاھارىنان ىعىسىپ، ورداعا جاۋ كىرمەگەن، كوزسىز ەرى قازاقتىڭ، كەنەسارى عاجاپ تىم، ارمانىمەن حانداردىڭ ايباتتانىپ بۇرلەگەن، تاڭباسىن ساپ سويىلدىڭ، مىسىن باسقان دويىردىڭ شىنىقتىرىپ شىڭداعان جويان ەردى دۇربەلەڭ. جاۋگەرشىلىك بەلەڭ اپ، ادام ساۋعان زاماندا كوزىندەي بوپ تاريحتىڭ سىر شەرتەدى مىڭ بەلەڭ. قالامىندا اقىننىڭ اسىل تەكتى ءدۇر حاندار، مۇنارىندا دالامنىڭ ايبىندى بوپ تۇرعاندار، اسان قايعى جىرىنان، تولعاۋىنان بۇقاردىڭ، نۇرلاندىرىپ ساناڭدى سۇڭعىلا ويمەن سىردى اڭعار. وردا بولعان سىعاناق، ىرگەسىندە ساۋراننىڭ شاپقىنشىلىق جىلدارمەن، ءوتتى نەبىر دۋماندار، بايانسىز بۇل عۇمىردى باعىم دەمە بايلاۋلى. ءىزىن تاستاپ جوق بولعان ءسان سالتانات قۇرعاندار، دەشتى قىپشاق دالاسى اجارلانىپ تۇر بۇگىن باۋلارى دا جايقالعان، تاۋلارى دا كىل زاڭعار. جەرۇيىقتى كۇزەتىپ ايىرىلماي مۇرادان، ەل تانىعان ەرلەر بار ەلدىڭ باسىن قۇراعان، جوعالمايدى ءور سەنىم، ازاتتىعىم ەڭسەلى، بابا جولىن جالعاعان، كوش باستاعان نۇراعام جۇرەك تولعان قۋانىش شالقى شابىت ۇلى اعىس يماندى ەلمىز عۇمىرلى سۋسىنداعان تۇمادان. حاندىعىمنىڭ ايبارى، ەل كوڭىلى جايدارى مامىراجاي كۇن كەشكەن اسىل جۇرتىم ءدىن امان!

رەسپۋبليكالىق جىر ءمۇشايرالارىنىڭ، حالىقارالىق «شابىت» فەستيۆالىنىڭ ديپلومانتى. قازىرگى تاڭدا سەمەي قالالىق مادەنيەت سارايىنداعى «حالىقتىق اقىندار ورتالىعىنىڭ» جەتەكشىسى.