تۇركىمەن تامىرلاس، قايمانا قازاعىم، تاعدىرىڭ اياماي تارتقىزعان ازابىن. ازاتى بۇگىنگى ماڭگىلىك ەلىمنىڭ، سەنەمىن بابامنىڭ جاراسىن جازارىن. شەشىلمەي تۇسكەندە تورىنا ازاپتىڭ، ارماندا سامعادى قىرانى ازاتتىڭ. كەرەي مەن جانىبەك ىرگەسىن نىق قالاپ، قۇرىلدى سول كەزدە حاندىعى قازاقتىڭ! وتار بوپ ءار ەلگە، كۇندەرىڭ وتكەندە، قازاعىم قايمىقپاي، ءدوپ بەردىڭ وتكەلگە، قاشاندا ارمانىڭ الاشتىڭ تۋى بوپ، جەلبىرەپ كوتەردىڭ ماقساتقا جەتكەندە. سول تۋىڭ بولعان ەد بۇگىننىڭ ىرگەسى، سول تۋىڭ بۇگىنگى "قازاقستان" كەمەسى. ساقتالعان سول ساتتىك ەرجۇرەك، ءور مىنەز ۇرپاقتىڭ قازىرگى بولاشاق مىنبەسى. ۇلان-عايىر شۋ مەنەن تالاس اراسى، بولعان ەدى تالاي جۇرتتىن پاناسى. قۇشاعىن ايقارا اشكان قازاقستان، بۇگىن، مىنە، تۇركى ۇلتىنىڭ اناسى. باس قالا بوپ سوزاق پەنەن سىعاناق، ەركىندىككە جول باستادى جارقىراپ. تاۋەلسىزدىك تۇعىرى بوپ بۇگىندە استانا تۇر، ماڭگى وشپەس -شامشىراق! ىزەت قىلىپ "قاسقا جولىن قاسىمنىڭ"، "دەربەستىگىم –ەلدىگىم " دەپ تاسىدىڭ. "ەسىم حاننىڭ ەسكى جولى" جالعادى، قازىرگى كۇن – تاۋەلسىزدىك جارعىسىن! قازاق ءتىلىم – اسىل مۇرام، قازىنام، ءتاڭىر بەرىپ، ماڭدايىڭا جازىلعان. قازاعىمنىڭ قاسىرەتى، تاعدىرى تاريحىمدا توم-توم بولار جىر-داستان. ەڭسەڭدى ەلىم، كوتەرە ءبىلدىڭ، تۇرسادا مەيلى سان كۇدىك. قازاقتىڭ ءۇنى، قازاقتىڭ ءتىلى، تۇرادى اركەز جاڭعىرىپ. قازاقتىڭ جىرى، قازاقتىڭ مۇڭى، قالدىرار ءىزىن ماڭگىلىك! بۇگىنگى ەلىم، كەڭ-بايتاق جەرىم، قازىنا تولى قۇت-مەكەن. اسپانمەن تالاس، اسقار تاۋ بەلىم، قازاققا بىتكەن باق-مەكەن. ەرەن ەڭبەك، ماقسات-مۇددە اقتالدى، توگىلسە دە تالايلاردىڭ قاس-قانى. قارا تۇنەك ءتۇن استىنان قازاقتىڭ، ارايلانىپ اتتى ماڭگى اق تاڭى. زامانىنىڭ باعىتىنا ىلەسىپ، كەلەدى ەلىم الپاۋىتپەن تىرەسىپ. ەلباسىنىڭ كەمەڭگەر سارا جولى كوش الدىنا اكەلدى ەلدىڭ "كەمەسىن". ەلۋ ەلدىڭ ءبىرى بولىپ بۇل كۇندە، بولاشاققا كەرەگەنى كەڭ كەردىك. وتىز ەلگە كىرۋ ماقسات دەپ تانىپ، تالايلارمەن تەرەزەنى تەڭەدىك. جاساي بەرگىن، جاساي بەرگىن، ۇلى ەلىم تاۋەلسىزدىك ءارقاشاندا –تىرەگىڭ! قۇشاعىڭدا قانات جايعان ۇرپاقتىڭ ماڭگى سوقسىن "قازاق" دەگەن جۇرەگى. جىرعا قوستىم قازاعىمنىڭ تاعدىرىن، قارا ءسوزدىڭ جايىپ كەڭگە تامىرىن. قاسيەتىن حالقىمنىڭ جىرلاي السام، بۇل دا مەنىڭ اقىندىق ءبىر باقىتىم!

گاۋحار جانبولات قىزى، 27 اقپان 2015 ج.