"مۋزارت" توبىنىڭ "جەڭەشەم" انىنە تۇسىرىلگەن جاڭا بەينەبايانىندا توپ مۇشەلەرىنىڭ داۋىستارى ادەيى اۋىستىرىلعان بولىپ شىقتى. بۇل تۋرالى توپتىڭ مۇشەسى ساكەن مايعازييەۆ حابارلادى. ايتا كەتەيىك، بۇعان دەيىن كەيبىر اقپارات قۇرالدارى جاڭا بەينەباياندا ورىنداۋشىلاردىڭ داۋىستارى اۋىسىپ كەتكەنىن حابارلاعان ەدى.
ءانشىنىڭ ايتۋىنشا، بۇل ءازىل بولسىن دەپ ادەيى جاسالعان، بەينەباياننىڭ ءوزى دە قالجىڭعا تولى. "ازىلمەن ادەيى جاساعانىمىز راس، ايتپەسە، مەيرامبەكتىڭ داۋىسىن تانىمايتىن قازاق جوق. كەنجەبەكتىڭ دە داۋىسى ەرەكشە. ءبىز بۇل يدەيانى بۇرىننان ايتىپ جۇرگەن ەدىك. وسىنى، ءتىپتى، ۇلىقپان جولداسوۆتان دا سۇراساڭىزدار بولادى. ءبىز سول كىسىمەن اقىلداسقان ەدىك"، - دەدى ورىنداۋشى.
مايعازييەۆتىڭ ايتۋىنشا، بەينەباياننىڭ مۇنداي تۇسىنبەستىك تۋعىزعانى دۇرىس بولعان، سەبەبى رەسەي شوۋ-بيزنەسىندە مۇنداي ادىستەردى ادەيى جاسايدى. "شوۋ-بيزنەستە اقشاسىن بەرىپ تە مۇنداي PR قادام جاساي المايسىڭ. ءدال وسىلاي پىكىر تۋىپ، تالقىلانىپ جاتسا، مەن وعان قۋانامىن"، - دەدى ءانشى. ايتا كەتەيىك، "جەڭەشەم" ءانىنىڭ ءسوزىن اقىن قالقامان سارين، ال ءانىن ارمان بەكسۇلتان جازعان.
https://www.youtube.com/watch؟v=7kWW39-Ccq8ەسكە سالا كەتەيىك، بۇعان دەيىن "مۋزارت" توبىنىڭ ەكى بەينەبايانى جارىققا شىعاتىنى حابارلانعان بولاتىن. بەينەبايانعا "شانشار"، "الداراسپان"، "اققۋ مەن گاككۋ" سياقتى ءازىل-سىقاق تەاترلارىنىڭ اكتەرلەرى ءتۇستى.
