جىراق جۇرسەڭ ايتاتىن اڭساپ اتىن، تاستارى دا جاڭعىرىپ تامساناتىن. قاسيەتتى قازاقتىڭ دالاسى بۇل _ اڭقىلداپ سامالى دا قارسى الاتىن! تۇرماسسىڭ شابىت كەرنەپ الا سۇرماي، تارتقاندا بەبەۋلەتىپ دالا سىرناي. دالاڭ _ اناۋ، سايالى قالاڭ _ مىناۋ، دالاسى قالاسىنا جاراسۋى- اي! ءبارى امان - كاسپي، ارال، بالقاش ءبارى… تاريح شومعان دالامنىڭ ورقاشتارى… قازاق دەسەڭ قازاق دەپ قايتالايدى، قىمباتتى وتانىمنىڭ جارتاستارى! كەرەي مەن جانىبەكتەي دارا تۇلعاڭ، رۋحى-بيىك، نامىسى- ءور جاراتىلعان. كەرەي سۇلتان ەڭ العاش حان اتانىپ، شۋ بويىنان شەجىرەم تاراتىلعان… اڭگىمەمىز ەندەشە بولار تىڭنان، الاتاۋدىڭ الپىدان ءسانى ارتىدعان. كوگىلدىر كارتاداعى _ قازاق جەرى… جالعاننىڭ جارتىسىنداي انااۋ تۇرعان. شۋاق قۇيىپ جايناتقان تاڭنىڭ الدىن، ەركىڭدە قاي بوەتەردى ءان قىلارىڭ. اتاقتى قاسىم، ەسىم، تاۋكە حاندار قايسى بەلدە بەكىتتى جارعىلارىن... تالايدىڭ اتىن جۇرتقا جايعان مىنا، بەرەر جەر ويدامدى دا، تولعامدى دا. اتاقتى قادىرعالي قوسىم ۇلى، وسىندا كوپ تاريحقا ويلاندى ما؟!... جۇرتى ءۇشىن جەر ۇيىققا بولعان عاشىق، جەلمايا- عۇمىر سولاي تاۋلاردى اسىپ. ەلەس پە، الدە، شاڭقاي ءتۇس، ۇلى تۇزدە، اسانقايعى باراما ماڭعاز باسىپ؟... قوزعالار ءبىلىم جايلى ءبىر ىنتالىق، ساۋلەلى جۇلدىزداردىڭ نۇرى تامىپ. سول اسىل كوكتەمدەردە كوكتەگەن –اۋ، وتەيبويداق ويلارى ءبۇرىن جارىپ. تيتىمدەيىن شۇڭقىرعا اتان دا ءولىپ، قيىن قىستاۋ ءبىر كەزدەر قاتار كەلىپ، تولە، ايتەكە، قازىبەك كەڭەس قۇرسا، جاتاتىن ەسىك الدىن ماقال كومىپ. بار الەم وتانىمدى بىلگەن- ءدى ەندى، ۇلى حاندار قان-تەرى سىڭگەن جەردى. بۇل كۇنى اق قار باسىپ جاتىرما ەكەن، ابىلاي ساربازدارى جۇرگەن جولدى… سول ۇلى ساربازداردىڭ وركەنى ءوسىپ، ۇلت تادىرىن تاڭدادى جەلكەن ەتىپ. ەڭ العاش قاسىم سۇلتان قايسى جەردە، حان كەنەنى وتىردى ەركەلەتىپ. مارتەبەڭدى قانشاما اسىردى ۇلىڭ، كوتەرگەن ەرى قانشا عاسىر جۇگىن. ۇلى اباي قاي جەرىندە ويعا باتىپ، قاي جەرىندە جازدى ەكەن اسىل جىرىن… بولمايتىن تاماعىڭدى بۇلكىلدەتىپ، وتكەنگى اڭگڭمەگە ءبىر كۇن بەرىپ. وتىرۋ قانداي راحات ۇلىلاردىڭ، وسى ۇلى مەكەنىندە ءبىر سىر شەرتىپ. تاۋەلسىزدىك دەپ ەندى ءان ايتامىن، سەنەمىز باعىمىزدى مولايتارىن. ەلىم مەنىڭ،"اركىمنىڭ تۋعان جەرى- استانا شارىسىندەي" دەپ ايتامىن. جۇرتىمىز اي شارىنان حات الىسقان، تالعات، توقتار ۇلدارى قاتار ۇشقان. ءدال وسىلاي كوركەيىپ جاسا ماڭگى، تاۋەلسىز، باقىتتى ەلىم _ قازاقستان! ۇلى ساۋلە تۇسكەندەي عالامعادا، باقىتتى، ەركىن كۇيگە ەنگەن دالام جاڭا. قۋان ەندى، كەڭ دالام - بۇل كوك بايراق، جەلبىرەيمىن دەپ تۇر عوي ساعان عانا!

(ءال-فارابي اتىنداعى قازاق ۇلتتىق ۋنيۆەرسيتەتى)