رەسەيدىڭ بەلگورود قالاسىنداعى ورتالىق حايۋاناتتار باعىندا ىشىمدىككە سىلقيا تويىپ العان ەر ازاماتتى ارىستان جەپ قويعان. بۇل تۋرالى Qamshy.kz پورتالى رەسيلىك تاسس-قا سىلتەمە جاساي وتىرىپ حابارلايدى.
بەلگورود وبلىستىق ءىىب قىزمەتكەرلەرىنىڭ مالىمدەۋىنشە، ارىستان شابۋىلىنان قازا بولعان ازامات 1962 جىلى تۋعان جەرگىلىكتى تۇرعىن بولىپ شىقتى. الكوگولدى ىشىمدىكتەن ماس بولعان ازامات قورشاۋدى اتتاپ ءوتىپ، ۇرعاشى ارىستاننىڭ تورىنا كىرمەك بولعان. سول كەزدە تورداعى جىرتقىش تاپ بەرگەن. ءبىراز ۋاقىت وتكەن سوڭ ارىستان تورى جانىنان ابدەن تالانعان ەر ازاماتتىڭ ءمايىتىن تاپقان.حايۋاناتتار پاركى قىزمەتكەرلەرى بەلگورود قالالىق ءىىب-سىنا حابارلاعان. ءقازىر ماسەلەگە قاتىستى تەكسەرۋ جۇرگىزىلىپ جاتىر. بۇعان دەيىن دە، رەسەيدىڭ ساحالين وبلىسىندا ءۇش بىردەي ادامدى ايۋ تالاپ ولتىرگەن بولاتىن. قونجىقتارىن قىزعانعان ەنەسى كوپىر قۇرىلىسمەن اينالىساتىن ءۇش بىردەي وىزمەتكەردى جەپ قويعان. ءتىپتى، ىزىعا بۋلىققان كىرەكەي قىزمەتكەردىڭ ءيتىن دە بورشالاپ جىبەرگەن ەدى.
