قازاقستان رەسپۋبليكاسى كەزەكتەن تىس پرەزيدەنت سايلاۋىنا ەكى كۇندە 5 ۇمىتكەر ءوتىنىش بىلدىرگەن. بۇل تۋرالى بۇگىن Qamshy.kz پورتالى حابارلايدى.

ق ر ورتالىق سايلاۋ كوميسسياسىنىڭ باسپا ءسوز قىزمەتىنىڭ مالىمەتىنشە ناۋرىزدىڭ 2ء-سى كۇنى سايلاۋ ەرەجەسىنىڭ ءوزىن-وزى ۇسىنۋ ءتارتىبى بويىنشا اسقار جوراباي ۇلى سىرعابيەۆتان ءوتىنىش كەلىپ تۇسكەن. سونداي-اق، قازاقستان رەسپۋبليكاسى ورتالىق سايلاۋ كوميسسياسىنا ناۋرىزدىڭ 3ء-ى كۇنى اتالمىش سايلاۋ ەرەجەسى بويىنشا 4 بىردەي ۇمىتكەردىڭ ۇسىنىسى تىلكەلگەن. ءوزىن-وزى ۇسىنۋ تارتىبىمەن كانديداتۋراسىن ۇسىنعاندار - سايفوللا قالاباي ۇلى الداجانوۆ، ليمانا قويشييەۆا، باقىت تولەگەن ۇلى ابدۋكاريموۆ جانە سۋحراب امينجان ۇلى مىرزاشيەۆ. ق ر پرەزيدەنتىن سايلاۋ ناۋقانى بارىسىندا 5 ۇمىتكەردەن ءوتىنىش كەلىپ تۇسكەن. ايتا كەتەتىنى، ءوتىنىش بىلدىرگەندەردىڭ اراسىندا ءبىر ايەل ازامات تا بار. «قازاقستان رەسپۋبليكاسىنداعى سايلاۋ تۋرالى» كونستيتۋسيالىق زاڭنىڭ 54-بابى 2-تارماعىنا ساي، پرەزيدەنتتىككە كانديداتتىڭ كونستيتۋسيا مەن «قازاقستان رەسپۋبليكاسىنداعى سايلاۋ تۋرالى» كونستيتۋسيالىق زاڭ قوياتىن تالاپتارعا سايكەستىگىن ورتالىق سايلاۋ كوميسسياسى ءوزىن-وزى ۇسىنۋ تۋرالى ءوتىنىش بەرىلگەن ساتتەن باستاپ بەس كۇننىڭ ىشىندە انىقتايدى.