الماتى. 5 ناۋرىز. Qamshy.kz – ءال-فارابي اتىنداعى قازۇۋ شىعىستانۋ فاكۋلتەتى قىتايتانۋ كافەدراسىنىڭ ۇيىمداستىرۋىمەن شىعىس مادەنيەتى فەستيۆالى سالتاناتتى تۇردە ءوتتى.
فەستيۆالدىڭ ماقساتى– قوعام مۇشەلەرىنە الەم وركەنيەتىنىڭ وشاعى سانالاتىن تاڭعاجايىپ شىعىس مادەنيەتىن تانىستىرۋ جانە قوعامنىڭ ۇلتارالىق ءھام مادەنيەتارالىق قارىم-قاتىناس پروسەسىنە بەلسەندى ۇلەس قوسۋ.
2014 جىلى 16 مامىردا تۇساۋى كەسىلگەن شىعىس مۇراجايى –شىعىس حالىقتارىنىڭ رۋحاني جانە ماتەريالدىق مادەنيەتىنەن جان-جاقتى حاباردار ەتەتىن جادىگەرلەر جيناقتالعان جەر. قازىرگى تاڭدا مۇراجايدا انتيكاۆارلىق بۇيىمدار، شىعىس حالىقتارىنىڭ ۇلتتىق مۋزىكالىق اسپاپتارى، ۇلتتىق كيىمدەرى، قولونەر بۇيىمدارى، اشەكەيلەرى، شىعىس حالىقتارىنىڭ كۇندەلىكتى تۇرمىسىنان حابار بەرەتىن بۇيىمدار جانە سيرەك كەزدەسەتىن قۇندى كىتاپتار قويىلعان.
شىعىس مادەنيەتى فەستيۆالى بارىسىندا شىعىس حالىقتارىنىڭ باي رۋحاني جانە ماتەريالدىق مادەنيەتىن كورسەتەتىن اندەر مەن بيلەر، ۇلتتىق كيىمدەر جانە ۇلتتىق تاعامدار كورمەسى ۇيىمداستىرىلدى.
شىعىس مادەنيەتى فەستيۆالى اياسىندا شىعىس حالىقتارىنىڭ شاي ءىشۋ ءداستۇرى كورسەتىلدى. فەستيۆال بارىسىندا كەلگەن بارشا قوناقتارعا، جۇڭگو، كورەي، جاپون، ءۇندى، تۇرىك، اراب، يران حالىقتارىنىڭ ءداستۇرلى تاعامدارىنان ءدام تاتقىزىلدى. ودان باسقا، سول تاعامداردىڭ دايىندالۋى حاقىندا قۇندى اقپارات بەرىلدى.
شىعىس حالىقتارى ۇلتتىق كيىمدەرى كورمەسىندە شىعىستىق ىستيلدە قولدان تىگىلگەن كيىمدەردىڭ تۇساۋى كەسىلدى. فەستيۆال اياسىندا كورسەتىلەگەن كيىمدەر الەمدەگى وتە سيرەك تە قۇندى تۋىندى دەسە بولادى.
فەستيۆالدىڭ قۇرمەتتى قوناقتارى قحر-نىڭ الماتى قالاسىندا تۇراتىن باس كونسۋلى دجاڭ ۋي جانە ونىڭ مادەنيەت ىستەرى جونىندەگى ورىنباسارى گاۋ چىن، سونىمەن بىرگە مىسىر ەلىنىڭ الماتى قالاسىندا تۇراتىن باس كونسۋلى جانە الماتى قالاسىنداعى قحر مۇناي سەرىكتەستىگىنىڭ باسشىسى فيي جيان شيڭ مىرزا جانە «كلون» سەرىكتەستىگىنىڭ باسشىسى داۋىل حاسەن مىرزالار تاپجىلماي تاماشالادى، فاكۋلتەت دەكانى جۋباتوۆا ب.ن حانىم جانە كافەدرا مەڭگەرۋشىلەرى ءنابيجان مۇقامەتحان ۇلى، سالقىنبايەۆ مۇحيت، ساپاشوۆ وراز، ەم ناتاليا قاتارلى باسشىلار مەن وقىتۋشىلىر قۇرامى جانە ستۋدەنتتەر قاتىستى.
قىتايتانۋ كافەدراسى اعا وقىتۋشىسى ابدۋراقىن نۇرحالىق
