«باتىسقا ەلىكتەيمىز دەپ قاراكوزدەرىمىز بۇزىلىپ بارا جاتقان جوق پا؟» بۇل ساۋال بۇگىندە بۇكىل قازاقتىڭ ۇيقىسىن قاشىرىپ، ۋايىمداتىپ وتىر. كىشكەنتاي بۇزاقى ۇلداردى تارتىپكە سالا الماي جۇرگەندە قارشاداي قىزدارىمىزدىڭ ءبىرىن-بىرى اياۋسىز ساباعان جانتۇرشىگەرلىك ارەكەتتەرى جۇرتتىڭ جاعاسىن ۇستاتۋمەن كەلەدى. ال جەتى ايدا 228 وقۋشى قىزدىڭ ەتەگى ءتۇرىلىپ، انا بولۋعا اياق باسقانى نە سۇمدىق؟! وتكەن جىلدى ايتپاعاندا، اعىمداعى التى ايدا 29 قىلمىس وقۋشى قىزداردىڭ تىكەلەي ارا­لاسۋىمەن جاسالعانى ەرىكسىز جاعا ۇستاتادى. ولاردىڭ جانجال ۇيىمداستىرىپ، جاعا جىر­تىسىپ، وزگەلەرگە الىمجەتتىك جاساپ، توناۋ، تارتىپ الۋ، كۇش كورسەتۋ سىندى ادەپسىزدىكتەرى تۋرالى مالىمەتكە نە ايتۋعا بولادى؟ جوعارىدا ايتىلعان مەرزىم ىشىندە تەمەكى مەن ىشىمدىككە قۇمار 315 ءجاسوسپىرىم تىركەلسە، ونىڭ تەڭ جارتىسى – قىز بالالار. بۇل تۋرالى وڭتۇستىك قازاقستان وبلىسىنىڭ اكىمى اسقار مىرزاحمەتوۆ تولەبي اۋدانىنىڭ تابيعاتى تا­ماشا تاۋلى ايماعىندا ورنالاسقان «تاۋ سامالى» دەمالىس كەشەنىندە وتكىزگەن كەزەكتى «ىرىس الدى – ىنتىماق» اتتى جيىنىندا جاريا ەتتى. سەيداحمەتتىڭ اي-نۇرى، Facebook-تەگى پاراقشاسىنان