جەزقازعاندا مەملەكەتتىك-جەكەمەنشىك ارىپتەستىك اياسىندا بالالار مەن ەرەسەكتەرگە ارنالعان نەيرووڭالتۋ ورتالىقتارى اشىلدى، دەپ حابارلايدى Qamshy.kz اقپارات اگەنتتىگى. 

قالالىق اۋرۋحانا بازاسىندا اشىلعان بالالار مەن ەرەسەكتەرگە ارنالعان نەيرووڭالتۋ ورتالىقتارى العاشقى كەلۋشىلەردى قابىلداي باستادى. اتالعان ورتالىقتاردىڭ جۇمىسىمەن قاراعاندى وبلىسىنىڭ اكىمى ەرلان قوشانوۆ جەزقازعانعا جۇمىس ساپارى بارىسىندا تانىستى.

«لۋچ» نەيووڭالتۋ ورتالىعى 560 شارشى مەتر اۋماقتا ورنالاسقان، زامانعا ساي مەديسينا قۇرالدارىمەن جابدىقتالعان. مۇندا ايىنا 50 ناۋقاس ەمدەلە الادى. ورتالىقتا مەحانوتەراپيا ايماعى (بۋىنداردى شىنىقتىرۋ، ءجۇرىستى، ءجۇرۋ نەگىزدەرىن ۇيرەنۋ، تەپە-تەڭدىكتى ۇستاۋ ءۇشىن )، ەمدەۋ-دەنە شىقتىرۋ اۋماعى بار، مۇندا نۇسقاۋشىلارمەن جەكە جانە توپتىق تۇردە ماشىقتانۋعا بولادى. ورتالىقتا ەرەسەكتەر ءۇشىن جۇيكە جۇيەسى جانە نەيروحيرۋرگيا باعىتتارى بويىنشا وڭالتۋ كۋرسىنان وتەدى.

ال، ورتالىق اۋرۋحانا بازاسىندا اشىلعان بالالاردى نەيرووڭالتۋ ورتالىعى قۇرامىنا تاۋلىك بويعى 38 ورىندىق ستاسيونار كىرەدى، مۇندا ايىنا 76 ناۋقاسقا دەيىن قابىلدانادى.

جەزقازعانعا ساپارى بارىسىندا وبلىس اكىمى ەرلان قوشانوۆ سونداي-اق اۋرۋحانا قالاشىعىندا بولدى. بۇل جەردە مەديسينا كوللەدجىنىڭ وقۋ عيماراتى، قالالىق ەمحانا، كونسۋلتاسيالىق-دياگنوستيكالىق ورتالىق، تۋبەركۋلەزگە قارسى بالالار شيپاجايى، جيتس ورتالىعى ورنالاسقان.

كەڭەستىك-دياگنوستيكالىق ورتالىق جانە جاڭادان اشىلاتىن مەديسينالىق كوللەدج عيماراتىندا ءقازىر جوندەۋ جۇمىستارى ءجۇرىپ جاتىر. اۋرۋحانا قالاشىعى اۋماعىندا بالالار الاڭى جاساقتالادى، جاياۋ جۇرگىنشىلەر جولى جوندەلىپ، اۋماق تۇگەلدەي قورشالادى. جوندەۋ جۇمىستارى اياسىندا كەلۋشىلەردىڭ كولىكتەرى ءۇشىن اۆتوتۇراقتار دا قاراستىرىلعان.

بۇگىندە جەزقازعاندا 419 ورىندىق ستاسيونار جۇمىس ىستەيدى، وندا حيرۋرگيالىق جانە تەراپيەۆتىك باعىتتار بويىنشا مامانداندىرىلعان جانە كاسىبي قىزمەتتەر جيناقتالعان. ورتالىق اۋرۋحانا جەزقازعان، ساتبايەۆ قالالارى، ۇلىتاۋ،جاڭاارقا اۋداندارى مەن قاراجال، جايرەم تۇرعىندارىنا تاۋلىك بويى قاجەتتى شۇعىل كومەك كورسەتەدى.