قاريا توسىپ زاماننىڭ زار بوياۋلى ءىڭىرىن، توقسان توعىز تاس ساناپ تىنشىمايدى كۇبىر ءۇن. بوزەك قىلىپ جەل ويناپ بوزداق تاۋدىڭ تۇلىمىن، كوك نايزامەن باۋىزداپ بۇلاق قىزدىڭ بۇرىمىن. تۇسىمە ەنىپ ءجيى كۇن قۇراۋلايدى قىر ءتۇنى، ۇيىرىنەن اداسىپ كىسىنەگەن جىلقى ءۇنى. توماعاسىز بۇركىتىم تاعدىر دەيتىن تۇلكىنى، قانسورپاسىن قايناتىپ قانسوناردا ىركىدى. تىك قادالىپ كوك بايراق،كوك ءتاڭىرلى ءبورى ەلى، قويۋلانا ءتۇسىپتى قوشقىل تارتقان شەر ءوڭى . تاڭ ازانىن كوتەرىپ كارى عاسىر ولەڭى، تاۋەلسىز جىل كەرۋەنىن جورگەككە وراپ بولەدى. اڭىز-دالا ،ابىز ەل- قاسيەت قونىپ ءبىر ءتىلىم ، جىبەك ەرىن ايمالاپ قارا جەردىڭ كىرپىگىن . ءيىپ ەمگەن ءسابي Kءۇن ، ميىعىندا كۇلكىمىن ، ادىر-ادىر جوتانىڭ ومىراۋىنىڭ ءۇرپىمىن . قازاق ءيسى شىققان تاق ، قازاق ۇلى تۇر باسىپ ، ماڭدايىنا حالقىمنىڭ ءتاڭىر جازعان كىل ءناسىپ . جەتىم قالعان بوتانى بوز ىنگەنگە تەلىتىپ ، ءبوز بۇيداسىن جەتەلەپ كەلە جاتىر قىردى اسىپ.

قارا جەردىڭ وزەگىندە ورىلگەن، ءبۇرى بۇعىپ قاۋىزىندا كومىلگەن. قاندىەزۋلەۋ زامانادان تانىپ ال، ادىر اسپان – الاش سىندى تەگىمنەن. قۇبا بەلدەر قۇمىعۋدان ايىققان، قاراڭعىعا تامعان تامشى عايىپتان، ۇنارىنان ۇكىلى جىر ءۇن قاتتى، ءوز تاعىنان شەمەن تاعدىر – تايىپ حان. كۇلتەلى ءۇمىت ەركىندىكپەن تەڭدەستى، قۇسالى ءۇن، تۇساۋلى مۇڭ كەلمەس-تى. قۇنداقتاعى قازاق دەيتىن ءبىر ۇلدى، بوزبالا قىپ ويناتتى كەپ كەر بەستى. قۇندىز بورىك بويجەتكەنبىز قۇربىم-اۋ، كۇن قاتپارلى اق شىمىلدىق تۇر مىناۋ. انام تاقتى اق جەلەككە ءتىلتۇمار، تىلىنە ەشكىم سالماسىن دەپ قىلبۇراۋ. ەلسىنبەك قىزى باقجان. س. امانجولوۆ اتىنداعى شىعىس قازاقستان مەملەكەتتىك ۋنيۆەرسيتەتىنىڭ «قازاق ءتىلى مەن ادەبيەتى» ماماندىعىنىڭ 4 كۋرس ستۋدەنتى. قالالىق، وبلىستىق ءمۇشايرالاردىڭ جەڭىمپازى.