استانا. 10 ناۋرىز.  Qamshy.kz - قىتايداعى قانداستارىمىز ءۇشىن ەلەكتروندى كەزەككە تۇرۋ جۇيەسى ىسكە قوسىلدى.

قانداستارىمىزدىڭ ۆيزالىق راسىمدەر جۇمىستارىنا جەڭىلدىك جاساۋ ماقساتىندا ارناۋلى سايت اشىلدى دەپ حابارلايدى جەرگىلىكتى ب ا ق قۇرالدارى.

«كەزەك» سايتى – جۇڭگو حالىق رەسپۋبليكاسىنىڭ ۇلتى قازاق ازاماتتارىنا قازاقستان رەسپۋبليكاسىنا بارۋ ءۇشىن «جەكە ساپار ۆيزاسىن» راسىمدەۋ ءۇشىن كەزەككە تۇراتىن ينتەرنەتتىك جۇيە.

Kezek.org سايتى ارقىلى شىڭجاڭداعى قانداستارىمىز ۆيزا كەزەگىن ەلەكتروندى تۇردە الۋ مۇمكىندىگىنە قول جەتكىزىپ وتىر. بۇل جۇيەنىڭ ىسكە قوسىلۋى ۇرىمجىدەن الىس اۋدانداردا تۇراتىن اعايىندار ءۇشىن وتە ءتيىمدى بولىپ وتىر. ونداي اۋداندارداعى قانداستارىمىز وسىعان دەيىن ءۇرىمجى قالاسىنا بارىپ، اپتالاپ، كەيدە ايلاپ ءجۇرىپ ۆيزا كەزەگىنە ازەر قول جەتكىزەتىن ەدى. ەندى ەلەكتروندىق جۇيەنىڭ كومەگىمەن تەز ءارى سەنىمدى قىزمەتكە قول جەتكىزۋمەن قاتار ءالى دە توقتاماي كەلە جاتقان دەلدالدىق قىزمەتتەردىڭ جولى كەسىلەدى دەپ كۇتىلۋدە.

ورازبەك ساپارحان