پەتروپاۆلداعى ساۋدا ۇيلەرىنىڭ بىرىندە قايىرىمدىلىق جاشىگى ۇرلاندى. بۇل جايت دۇكەن ىشىندەگى بەينەكامەراعا تۇسكەن.

تاسپاداعى جازبا كورسەتكەندەي، ۇرلىق تاڭەرتەڭ، ساۋدا ورتالىعى ەندى اشىلعان كەزدە، ورىن العان. بەيتانىس ايەل كىرەبەرىستەگى جاشىكتىڭ قاسىندا ارلى-بەرلى جۇرەدى، كەيىن ءبىرشاما ۋاقىت ۇيالى تەلەفونمەن سويلەسىپ تۇرادى. كۇدىكتى ايەل، ادامدار تاراعان كەزدە، شىنى قوراپتى سومكەسىنە سالىپ، ءىزىن سۋىتادى. ءبىر قىزىعى، قاسىنان وتكەن ونداعان ادامنىڭ ەشبىرى بۇل ارەكەتكە نازار اۋدارماعان.

پوليسەيلەر پىسىقايدىڭ ءالى قۇرىقتالماعانىن ايتادى. جاشىكتە اۋىر سىرقاتقا شالدىققان بالالار ءۇشىن جينالعان اقشا بولعان. شىنى قوراپ دۇكەنگە اقپاننىڭ جيىرماسىندا ورناتىلعان. قولدى بولعان قاراجات كولەمى ازىرگە بەلگىسىز.

"ۇرلىق فاكتىسىنە بايلانىستى قىلمىستىق كودەكسىنىڭ 188-بابىنا سايكەس ءىس قوزعالدى. ءقازىر ءتارتىپ ساقشىلارى ۇرلىق جاساعان ايەلدىڭ ەسىمىن انىقتاپ جاتىر. ەگەر دە كۇدىكتى ۇستالىپ، كىناسى دالەلدەنسە، 1000 ايلىق ەسەپتىك كورسەتكىش مولشەرىندە ايىپپۇل تولەۋى نەمەسە 3 جىلعا دەيىن باس بوستاندىعىنان ايىرىلۋى مۇمكىن"، - دەيدى سقو ءىىد باسپا ءسوز قىزمەتىنىڭ وكىلى دينارا ساعىندىقوۆا.