«جاستار كادرلىق رەزەرۆى» باعدارلاماسى - جاس تالانتتى، بەلسەندى قازاقستاندىقتار قاتارىنان ەلدىڭ باسقارۋشى كادرلارىن انىقتاۋ، ىرىكتەۋ، دايىنداۋ جانە تاربيەلەۋگە باعىتتالعان جوبا.  باعدارلاما ق ر ءبىلىم جانە عىلىم مينيسترلىگى جانە «نۇر وتان» حدپ قولداۋىمەن جۇزەگە اسىرىلادى.

جوباعا 2009-2016 جىلدار ارالىعىندا 14 000 استام جاستار ءوتىنىم بەرگەن، ولاردىڭ ىشىندە 420 ادام اشىق كونكۋرستىق ىرىكتەۋدەن، تەستىلەۋدەن، وقىتۋ مودۋلدەرىنەن، كاسىبي قۇزىرەتتى باعالاۋدان، ءار ءتۇرلى ۇيىمداردان تاعىلىمدامادان ءوتتى. كونكۋرستىق ىرىكتەۋدەن وتكەن قاتىسۋشىلار مەملەكەتتىك باسقارۋ، بيزنەس، عىلىم، ءبىلىم، قوعامدىق ۇيىمدار، ب ا ق جەتەكشى وكىلدەرىمەن كەزدەستى.

باعدارلامانىڭ ىرىكتەۋ كەزەڭى ءۇش كەزەڭنەن تۇرادى:

1-كەزەڭ. جوبانىڭ رەسمي سايتىندا انكەتا تولتىرۋ، رەسمي ولشەمدەر بويىنشا انكەتانى باعالاۋ (جاسى، ءبىلىمى، جۇمىس ورنى، كاسىبي داعدىلار، زياتكەرلىك الەۋەتتى باعالاۋ، ەموسيونالدىق ينتەللەك، ەسسە جانە ت.ب. جازۋ) جۇرگىزىلەدى. باستاپقى ىرىكتەۋ ناتيجەسىندە كەلەسى كەزەڭگە 300 كونكۋرسانت جىبەرىلەتىن بولادى.

2-كەزەڭ. لوگيكانى تەستىلەۋ، مەملەكەتتىك ءتىلدى ءبىلۋى جانە جوبانىڭ قاتىسۋشىسىنىڭ پسحولوگيالىق سۋرەتىن انىقتاۋ پروسەسى جۇرەدى. تەستىلەۋدى وتكىزۋ ورنى جانە كەستەسى ىرىكتەۋدىڭ 2-كەزەڭىنە وتكەن 300 كونكۋرسانتتىڭ ناتيجەلەرىن جاريالاعاننان كەيىن انىقتالاتىن بولادى.

3-كەزەڭ. بىلىكتىلىكتى باعالاۋعا سۇحباتتاسۋ جوبانىڭ 32 ۇزدىك قاتىسۋشىسىن انىقتايدى (ءار ايماقتان 2 كونكۋرسانت بويىنشا). سۇحبات رەسپۋبليكا ايماقتارىندا ديرەكسيا مۇشەلەرىمەن، ايماقتىق ۇيلەستىرۋشىلەرمەن، «بولاشاق» قاۋىمداستىعىنان ساراپشىلارمەن جانە «نۇر وتان» حدپ وكىلدەرىمەن جۇرگىزىلەتىن بولادى.

ىرىكتەۋ كەزەڭدەرىنەن وتكەننەن كەيىن، بايقاۋعا قاتىسۋشىلار جەتەكشى وتاندىق جانە شەتەلدىك  مامانداردىڭ قاتىسۋىمەن دارىستەردى، سەمينارلاردى ترەنينگتەردى، ماستەر-كلاسستاردى، اسەسسمەنتتەردى (كاسىبي بىلىكتىلىكتى باعالاۋ)، سونداي-اق مەملەكەتتىك جانە مەملەكەتتىك ەمەس قۇرىلىمداردا تاعىلىمدامادان ءوتۋدى قامتيتىن وقىتۋ مودۋلدەر وتەدى.

جوبانىڭ قورىتىندىلارى بويىنشا جوعارى رەيتينگ جيناعان 32 كونكۋرسقا قاتىسۋشى سەرتيفيكات الادى جانە مەملەكەتتىك قىزمەتكە، بيزنەس سالاسىنا جانە قوعامدىق قىزمەتكە كەلىپ تۇسكەندە بارىنشا جوعارى لاۋازىممەن اينالىسۋ ءۇشىن رەزەرۆتە تۇرعان ادامدى جىلجىتۋدى قاراستىرۋعا ۇسىنۋ بولىپ تابىلاتىن كادرلىق رەزەرۆكە تىركەلەدى.

«جاستار تاجىريبەسى» باعدارلاماسى جاستارعا وقۋ بىتىرگەننەن كەيىن تاجىريبە جيناۋعا كومەكتەسەدى. باعدارلاماعا ديپلومى بار، 29 جاسقا دەيىنگى جاستار قاتىسا الادى. ول ءۇشىن الدىمەن ءوز قالاسىنىڭ ياكي اۋدانىنىڭ اكىمدىگىندەگى جۇمىسپەن قامتۋ ورتالىعىنا بارادى. بۇل ورتالىق مامانداردىڭ ءبىرىڭعاي بازاسىن قالىپتاستىرادى. سونداي-اق جۇمىس بەرۋشى كومپانيالاردىڭ اراسىنداعى ديپلوم باعىتى بويىنشا باعدارلامالاردىڭ قاتىسۋشىلارىن بولەدى.

ەگەر جۇمىس بەرۋشى تاجىريبە كەزىندە ءسىزدى ءوز كومپانياسى ءۇشىن لايىقتى مامان دەپ تانىسا، ول ءسىزدى تۇراقتى جۇمىسقا قابىلداۋعا قۇقىلى. جاس مامان ءۇشىن بۇل نۇسقا نەعۇرلىم قولدانىلىمدى، وسىعان قاراماستان تاجىريبەدە ءوزىڭدى جانە ءوزىڭنىڭ كاسىبي داعدىلارىڭدى كورسەتۋ قاجەت ەكەنىن ەستەن شىعارماڭىز.

ورتالىق تۇلەكتەرمەن التى ايعا ەڭبەك شارتىن جاسايدى. جۇمىس كۇنى ق ر ەڭبەك زاڭناماسى بويىنشا ەڭبەك شارتتارىنا سايكەس انىقتالادى. باعدارلامالارعا قاتىسۋشىلاردىڭ اي سايىنعى تولەمى 25 اەك-تى* (سالىقتاردى، مىندەتتى الەۋمەتتىك اۋدارىمداردى، پايدالانىلماعان ەڭبەك دەمالىسى ءۇشىن وتەماقىلار جانە بانك قىزمەتتەرىن شەگەرۋسىز) قۇرايدى.

*1 اەك = 2405 تەڭگە

ءوز قالاڭىزدىڭ نەمەسە اۋدانىڭىزدىڭ اكىمدىگى جانىنداعى جۇمىسپەن قامتۋ ورتالىعىنا بارۋ كەرەكسىز. جاسىڭىز 29-دان ارتىق بولماعان جاعدايدا عانا جۇمىسسىز رەتىندە تىركەلە الاسىز. ودان كەيىن تومەندەگى قۇجاتتاردى تاپسىرۋىڭىز كەرەك:

• جەكە باسىن كۋالاندىراتىن قۇجاتتىڭ كوشىرمەسى؛
• ەڭبەك كىتاپشاسىنىڭ كوشىرمەسى (بار بولعان جاعدايدا)؛
• تەحنيكالىق جانە كاسىپتىك، ورتا بىلىمنەن كەيىنگى، جوعارى جانە جوعارى وقۋ ورنىنان كەيىنگى ءبىلىم بار بولۋىن راستايتىن قۇجاتتىڭ كوشىرمەسى.

مەملەكەت جاس مامانداردى الەۋمەتتىك قولداۋمەن اۋىلدىق جەردەن جۇمىس ۇسىنادى:

• 70 اەك (168 350 تەڭگە) مولشەرىندەگى كوتەرىلۋگە كومەكتىڭ ءبىرىڭعاي جاردەماقىسىن تولەۋ؛
• 1500 اەك (3 607 500) مولشەرىندە 0،01% مولشەرىندەگى سىياقى مولشەرلەمەسىمەن 15 جىل مەرزىمگە تۇرعىن ءۇي ساتىپ الۋعا جانە قۇرىلىسىنا ارنالعان بيۋدجەتتىك نەسيە؛
• اۋىلدىق ەلدە مەكەندەردە ورنالاسقان الەۋمەتتىك سالا مەكەمەلەرىنىڭ ماماندارىنا لاۋازىمدىق ەڭبەكاقىنىڭ تاريفتىك مولشەرلەمەسىنەن 25 % كەم ەمەس (قالالىق ەلدى مەكەندە)  ارتتىرۋ.

باعدارلاماعا ءبىلىم بەرۋ، دەنساۋلىق ساقتاۋ، الەۋمەتتىك قامتاماسىز ەتۋ، مادەنيەت جانە سپورت، ۆەتەريناريا ماماندىقتارى بويىنشا جوو-نى اياقتاعان تۇلەكتەر قاتىسا الادى. ولار:

1. تاڭداعان ەلدى مەكەننەن جۇمىستى ءوزى تابۋى كەرەك (اۋىلدىق مەكتەپ، اۋرۋحانا، مادەنيەت ءۇيى، سپورت كەشەندەرى جانە ت.ب.)؛
2. جۇمىسقا قابىلداعاندا كانديدات اۋداندىق كوميسسياعا باعدارلاماعا قاتىسۋعا ءوتىنىش بەرۋى كەرەك؛
3. ايماقتارداعى كادرلاردىڭ قاجەتتىلىكتەرى تۋرالى مالىمەتتەر وبلىستىق اكىمدىكتەردىڭ باسقارمالارىنىڭ سايتتارىندا ورنالاستىرىلۋى قاجەت.

جۇمىستى ءوزى ىزدەۋىنە مۇمكىندىگى بولماعان جاعدايدا، ق ر اۋىل شارۋاشىلىعى مينيسترلىگىنە نەمەسە ايماقتارداعى جاۋاپتى قىزمەتكەرلەرگە جۇگىنە الادى.

ايتا كەتەيىك، سوڭعى ءۇش جىلدا «ديپلوممەن اۋىلعا» جوباسىنىڭ اياسىندا رەسپۋبليكانىڭ اۋىلدىق ەلدى مەكەندەرىنە 24 577 مامان قاتىستىرىلعان.