«قازاقستان يپوتەكالىق كومپانياسى» «نۇرلى جەر» تۇرعىن ءۇي باعدارلاماسى اياسىندا يپوتەكالىق قارىزداردى سۋبسيديالاۋدى توقتاتادى. بۇل تۋرالى كومپانيانىڭ باسپا ءسوز قىزمەتى حابارلادى.

ۇكىمەت باسشىسىنىڭ شەشىمى مەن ق ر ۇلتتىق بانكىنىڭ «7-20-25» تۇرعىن ءۇي باعدارلاماسىن ىسكە قوسۋىنا سايكەس، «قازاقستان يپوتەكالىق كومپانياسى» يۇ» اق، ونىڭ ەنشىلەس ۇيىمى «بايتەرەك» ۇبح» اق «يپوتەكالىق نەسيەلەندىرۋدىڭ مۇمكىندىگىن ارتتىرۋ» باعىتىن – «نۇرلى جەر» تۇرعىن ءۇي قۇرىلىسى باعدارلاماسى اياسىندا جۇرگىزىلگەن يپوتەكالىق تۇرعىن ءۇي قارىزدارى بويىنشا سىياقى مولشەرلەمەسىن سۋبسيديالاۋدى توقتاتادى.

«قازاقستان يپوتەكالىق كومپانياسى» يۇ» اق ەكىنشى دەڭگەيدەگى بانكتەر بەرگەن يپوتەكالىق قارىزدار بويىنشا سىياقى مولشەرلەمەسىنىڭ ءبىر بولىگىن سۋبسيديالادى. باعدارلاما ارەكەت ەتكەن ۋاقىت ىشىندە 37،21 ملرد. تەڭگە سوماسىنا 3 566 قارىز ماقۇلداندى. سونىڭ ىشىندە، 2017 جىلدىڭ جەتى ايىندا - 13،3 ملرد. تەڭگە سوماسىنا 1303 قارىز، 2018 جىلدىڭ بەس ايىندا 23،9 ملرد. تەڭگە سوماسىنا 2 263 ءوتىنىم قابىلداندى.

اعىمداعى جىلدىڭ قاڭتارىندا ماقۇلدانعان قارىزدار سوماسى شامامەن 4 ملرد. تەڭگە، اقپان ايىندا - 3،66 ملرد. تەڭگە، ناۋرىزدا - 3،7 ملرد. تەڭگە، ساۋىردە - 4،4 ملرد. تەڭگە، مامىردا - 3،8 ملرد. تەڭگەنى قۇرادى. 2018 جىلدىڭ ماۋسىم ايىندا 20 كۇن ىشىندە كومپانياعا 4،3 ملرد. تەڭگە سوماسىندا 385 ءوتىنىش ءتۇستى.

سۋبسيديالاۋ بويىنشا جۇمىستاردى «قيك» يۇ» اق ەكىنشى دەڭگەيلى بانكتەرمەن: «بانك سەنتركرەديت» اق، «سبەربانك» اق ەب، «بانك ۆتب» اق، «اتفبانك» اق، «نۇربانك» اق، «سەسنابانك» اق جانە «قازاقستاننىڭ تۇرعىن ءۇي قۇرىلىس جيناق بانكى» اق («جەكە تۇرعىن ءۇي قۇرىلىسىن دامىتۋ» باعىتى بويىنشا) بىرلەسىپ جۇزەگە اسىردى.

سۋبسيديانى توقتاتۋ تۋرالى قاۋلى جاڭا قارىزدارعا عانا قولدانىلادى. «قازاقستان يپوتەكالىق كومپانياسى» يۇ» اق اعىمداعى شارتتار بويىنشا سۋبسيديالاۋدى شارتتاردا كورسەتىلگەن تالاپتاردا جالعاستىرادى.