16 ناۋرىز. Qamshy.kz - ەرتەڭ ەلوردادا سۋمودان حالىققا كورسەتىلىم بەلدەسۋلەرى وتەدى. بۇل تۋلارى "قامشى.kz" پورتالى egemen.kz سايتىنا سىلتەمە جاساي وتىرىپ حابارلايدى. ەرتەڭ استانادا وتەتىن الەمدەگى ەڭ كونە جەكپە-جەك ءتۇرلىرىنىڭ ءبىرى سانالاتىن - سۋمو سايىسىن ق ر مادەنيەت جانە سپورت مينيسترلىگى، استانا قالاسى اكىمدىگى مەن جاپونيانىڭ قازاقستانداعى ەلشىلىگى جانە "قازاقستان بارىسى" قازاق كۇرەسىن دەمىتۋ قورى ۇيىمداستىرىپ وتىر. اتالمىش شارانى ۇيىمداستىرۋداعى باستى ماقسات - جاپونداردىڭ ۇلتتىق سپورتىن قازاقستاندا ناسيحاتتاۋ جانە سۋمونىڭ اياسىن كەڭەيتۋ بولىپ تابىلادى. سۋمو پالۋاندارىنىڭ باسەكەسى جاستاردىڭ جاۋىنگەرلىك رۋح پەن مۇقالماس ەرىك-جىگەردىڭ ناعىز ۇلگىسىن كورسەتەدى دەيدى شارانى ۇيىمداستىرۋشىلار. ەرتەڭگى سايىسقا جاپونيادا 10 جىل بويى سۋمو سپورتىمەن كاسىبي تۇردە اينالىسقان بەلگىلى قازاقستاندىق سۋموشى سۇيەنىش تە قاتىسادى. كۇنشىعىس ەلىندە قازاق سۋموشىسى كازافۋزان دەگەن ەسىممەن تانىمال ەكەنىن ايتا كەتەيىك. سۋمو پالۋاندارىنىڭ بەلدەسۋلەرى 17 ناۋرىز كۇنى ساعات 19:00-دە استاناداعى «حان شاتىر» ويىن-ساۋىق ورتالىعىندا وتەدى. ال بۇگىن «داۋلەت» ۇلتتىق تەننيس ورتالىعىندا جاپونيانىڭ قازاقستانداعى توتەنشە جانە وكىلەتتى ەلشىسى كاموحارا ماساەسيدىڭ، ق ر مادەنيەت جانە سپورت مينيسترلىگى سپورت جانە دەنە شىنىقتىرۋ كوميتەتىنىڭ ءتوراعاسى ەلسيار قاناعاتوۆتىڭ، قازاقستان سۋمو فەدەراسياسىنىڭ ءتوراعاسى باعلان ىدىرىسوۆتىڭ جانە سۋمودان جاسوسپىرىمدەر اراسىنداعى جاپونيا چەمپيوناتتارىنىڭ جەڭىمپازى ميەدا كاتارونىڭ قاتىسۋىمەن باسپا ءسوز ءماسليحاتى وتەدى.