11 جاستاعى قىزىن 41 جاستاعى يمامعا بەرگەن مالايزيالىق كەلانتان شتاتىنىڭ تۇرعىنى ءوز ارەكەتىن ءتۇسىندىردى. بۇل تۋرالى شەتەلدىك ب ا ق جازدى.

انىقتالعانداي، كوپشىلىكتىڭ اشۋىن تۋدىرعان بۇل نەكە جاي عانا كەلىسىم بويىنشا جاسالعان ەكەن. يمامنىڭ جاس قىزدى الۋىنىڭ سەبەبى – وتباسى قارىزعا بەلشەسىنەن باتقان.

قىزدىڭ اتا-اناسى يمامعا شارت تا قويعان ەكەن. ايتالىق، 11 جاستاعى ءبۇلدىرشىن كۇيەۋىنىڭ ۇيىندە  16جاسقا دەيىن تۇرادى. الايدا بۇل نەكە جايلى بىلگەن مالايزيا بيلىگى بىردەن بوگەت كەلتىرۋگە كوشىپتى. قازىرگى ۋاقىتتا نەكە قيىلىپ ۇلگەرگەن جوق.

قالىڭدىقتىڭ 49 جاستاعى اكەسى باق-قا بەرگەن سۇحباتىندا وقيعانىڭ ءمان-جايىن ءتۇسىندىردى. ەر ادامنىڭ سوزىنە قاراعاندا، ولار يمام ابدۋلا كارىمنىڭ وتباسىمەن جاقسى ارالاساتىن كورىنەدى. يمامنىڭ ەكى ايەلى مەن التى بالاسى بار. قىز يمامنىڭ ءبىرىنشى ايەلىمەن جاقسى ارالاسادى ەكەن. ءتىپتى، اكەسىنىڭ بۇل شەشىمىنە قىزىنىڭ ءوزى دە قارسى ەمەس ەكەن. سەبەبى «جارىنىڭ» وتباسىن ەرەكشە قۇرمەتتەيدى ەكەن.