ورتالىق اۋرۋحانانىڭ قىزمەتكەرلەرى كارىز جۇيەسىن تەكسەرىپ جۇرگەن كەزدە گازدان ۋلانىپ قالىپ، سالدارىنان ەكى سانتەحنيك پەن ءبىر مەديسينا قىزمەتكەرى كوز جۇمعانىن ەستەرىڭىزگە سالا كەتەيىك. رەانيماسيادا جاتىپ، ەسىن جيا الماي كەتكەن مارقۇم دارىگەر دانيار مەرگەنبايەۆتى اقىن دوسى سەرىكبول قادەموۆ جوقتاپ، ولەڭ ارناپتى.
ءوز كەزەگىندە Qamshy اقپارات اگەنتتىگى اجالى قۇدىقتان بولعان ءۇش مارقۇمنىڭ دا وتباسىنا سابىر تىلەپ، بۇل قازاعا بارشا قازاق ەلىنىڭ قابىرعاسى قايىسقانىن جەتكىزگىسى كەلەدى.
ءجانناتتا بول!
مەن سەنىڭ ازىلىڭمەن ءومىر ءسۇردىم،
قىلجاقپاس، قارا جىگىت شەلەكتەگى.
قۋراعان تالداي ءقازىر كوڭىلسىزبىن،
ومىردەن اسىل دوسىم سەن وتكەلى.
سەن باردا مەن ءارقاشان كوڭىلدى ەدىم،
ءبولىسىپ وزىڭمەنەن كوپ سىرىمدى...
قىزىعىمدى اكەتتى ءومىر مەنىڭ،
باسا المايمىن بويداعى وكسىگىمدى.
مەن سەنىڭ جوقتىعىڭا قالاي كونەم؟
جانارىم تۇنىمەنەن توكتى جاسىن...
تەلمىرىپ تەلەفونعا قاراي بەرەم،
قوڭىراۋ شالاتىنداي بوپ تۇراسىڭ.
سەنە المايمىن ءالى دە، سەنۋ قيىن،
جۇرەگىمدى اياۋسىز ءتىلىپ قايعىم...
ءجاننات بولسىن ماڭگىلىك ەندىگى ءۇيىڭ،
دوسىم، سەنى ەشقاشان ۇمىتپايمىن!
پىكىر قالدىرۋ