الماتىدا رەسپۋبليكالىق "KAZBILIM" ورتالىعىنىڭ فيليالى اشىلدى، دەپ حابارلايدى Qamshy.kz اقپارات اگەنتتىگى. بۇل تۋرالى ورتالىق ديرەكتورى اياتجان احمەتجان ۇلى ءوزىنىڭ Facebook پاراقشاسىندا مالىمدەدى.
"ال، قۋانىشتى حابار! الماتىلىق دوستار، اتا-انالار! بۇل جولعى ساپارىمنىڭ ۇلكەن ءبىر ماقساتى ءساتتى باستالدى. اللا قالاسا، تامىز ايىنان باستاپ رەسپۋبليكالىق ءقازبىلىم ورتالىعىنىڭ الماتى فيليالى ءوز جۇمىسىن باستايدى. اتا-انالاردىڭ ءوتىنىشى مەن شاكىرتتەردىڭ سۇرانىسىنا وراي وسىنداي قادامعا اياق باستىق.
الماتى قالاسى اۋەزوۆ اۋدانى اباي كوشەسى مەن جۇماعالي ساين كوشەلەرىنىڭ قيىلىسىندا "KAZBILIM" ورتالىعى ءوفيسىن الىپ، دايىندىق جۇمىستارى جۇرگىزىلىپ جاتىر!
18.08.2018 جىلى 11:00 دە اشىلۋ سالتاناتىندا جولىعايىق!
بيىل رەسپۋبليكالىق "KAZBILIM" ورتالىعىندا تىڭ جاڭالىقتار، جاڭا جوبالار بار. ءبىزدىڭ اتا-انالار مەن شاكىرتتەردى تامىز ايىندا توسىن سىيلار كۇتىپ تۇر"، – دەپ جازدى اياتجان احمەتجان ۇلى.
ايتا كەتەيىك، 2013 جىلدان بەرى ۇرپاق تاربيەسى مەن بىلىمىنە ۇزدىكسىز ءۇن قوسىپ كەلە جاتقان «ءقازبىلىم» پورتالىنىڭ ۇجىمى قازاق بالاسىنىڭ ەرتەڭگى باسەكەگە قابىلەتتى ۇلت تۇلعاسى بولىپ جەتىلۋى ءۇشىن ۇلتتىق تاربيەنى وزەك ەتكەن باعدارلامالار نەگىزىندە رەسپۋبليكالىق "KAZBILIM" ورتالىعى بولىپ قۇرىلىپ، 2016 جىلى اقپان ايىندا جۇمىسىن باستادى. ورتالىق ەكى باعىتتا قىزمەت اتقارادى:
- ءبىلىم بەرۋ
- اقپاراتتاندىرۋ
ءقازىر ورتالىقتىڭ 3 وقۋ عيماراتى، 25 ءدارىسحاناسى جانە جەكە كىتاپ دۇكەنى بار. ورتالىقتا 50-دەن استام ءمۇعالىم ءبىلىم بەرەدى.
