ەلىمىزدە ليسەنزياسى توقتاتىلعان ۋنيۆەرسيتەت، ينستيتۋت، اكادەميالاردىڭ اتى اقىرى بەلگىلى بولدى.

باس پروكۋراتۋرا رەسمي تۇردە جاريالاعان "قارا تىزىمگە" 18 وقۋ ورنى ىلىككەن. ليسەنزياسى 2 ايدان 6-ايعا دەيىن توقتاتىلعانداردىڭ اراسىندا الماتى قالاسىنىڭ 6، وڭتۇستىك قازاقستان وبلىسىنىڭ 4، استانا 2، الماتى وبلىسى 1، باتىس قازاقستان 1 جانە اتىراۋ، قاراعاندى، قىزىلورداداعى وقۋ ورىندارى بار. قارا تىزىمگە ەلورداداعى "استانا" مەن "تۇران" ۋنيۆەرسيتەتتەرى، باتىس قازاقستان ينجەنەر گۋمانيتارلىق ينستيتۋتى، "قىزىلوردا وبلىسىنداعى قازاق-قىتاي ينستيتۋتى مەن قاراعاندىداعى "بولاشاق" ۋنيۆەرسيتەتى ىلىگىپ وتىر. بۇل جوعارعى وقۋ ورىندارى ءبىلىم بەرۋدەن گورى ديپلوم ۇلەستىرۋدى جولعا قويعان. ال ازىرلەگەن ماماندارى شالاساۋاتتى. ۇستازدارىنىڭ بىلىكتىلىگى كۇمان تۋدىرادى، ماتەريالدىق تەحنيكالىق بازاسى دا سىن كوتەرمەيدى. ءبىلىم مينيسترلىگى باس پروكۋراتۋرمەن بىرگە ليسەنزياسىنان ايىرعان وقۋ ورىندارى كەمشىلىكتەرىن جارتى جىل ىشىندە تۇزەمەسە، كادر دايىنداۋدان مۇلدەم الاستاتىلماق. وسى ارالىقتا ستۋدەنتتەر ءبىلىمىن ازىرشە جالعاستىرا بەرەدى.