ق ر مادەنيەت جانە سپورت مينيسترلىگى تاپسىرىسى بويىنشا شاكەن ايمانوۆ اتىنداعى «قازاقفيلم» اق-نىڭ «دەبيۋت» شىعارماشىلىق بىرلەستىگى 2017 جىلى تۇسىرگەن قىسقامەتراجدى فيلمدەردىڭ ارنايى كورسەتىلىمى الماتى قالاسىنداعى «ارمان» كينوتەاترىندا ءوتتى. سونداي-اق مادەني ءىس-شارا بارىسىندا سەنارييلەر بايقاۋىنىڭ بيىلعى جەڭىمپازدار ءتىزىمى جاريالاندى، دەپ حابارلايدى Qamshy.kz اقپارات اگەنتتىگى. 

كورسەتىلىم اياسىندا 2017 جىلدىڭ سوڭىندا وندىرىسكە جىبەرىلگەن فيلمدەر، ولاردىڭ قاتارىندا: «اسان» (رەجيسسەرى بەرىك جاحانوۆ)، «شىرعالاڭ» /«جۇت» (رەجيسسەرى جاندوس ەسپەنبەتوۆ)، «سوڭعى ءمۇعالىم» / «تەرپيموست» (رەج. الەن راحمەتالييەۆ)، «وزگەرىس» / «تيۋبەتەيكا»  (رەج. ارمان بايمۇراتوۆ)، «تىعىلماق» (رەج. ۆەنەرا كايىرجانوۆا) كارتينالارى كورسەتىلدى.

كورسەتىلىمنەن كەيىن فيلمدەردىڭ رەجيسسەرلەرى،  ش.ايمانوۆ اتىنداعى «قازاقفيلم» اق-ى «دەبيۋت» شىعارماشىلىق-وندىرىستىك بىرلەستىگىنىڭ جەتەكشىسى انار قاشاعانوۆا مەن  اتالعان بىرلەستىكتىڭ كوركەمدىك جەتەكشىسى دارەجان ومىربايەۆتىڭ قاتىسۋىمەن باسپا ءسوز وتىرىسى ءوتتى.

باسپا ءسوز كونفەرەنسياسى بارىسىندا بىرلەستىكتىڭ جەتەكشىسى انار قاشاعانوۆا بۇل كورسەتىلىمنىڭ باستى ماقساتى – جاس رەجيسسەرلەردىڭ جۇمىستارىن قولداۋ ءارى ىنتالاندىرۋ، وسكەلەڭ كينەماتوگرافيستەردىڭ دەبيۋتتىك فيلمدەرىنە قىزىعۋشىلىق ارتتىرۋ ەكەنىن ايتتى.

- «دەبيۋت» شىعارماشىلىق-وندىرىستىك بىرلەستىگى جىل سايىن وتاندىق كينەماتوگرافتى ءبىرقاتار جاڭا ەسىمدەرمەن تولىقتىرىپ وتىرادى. ءبىزدىڭ بىرلەستىكتە تۇسىرىلگەن قىسقامەتراجدى فيلمدەر حالىقارالىق كينوفەستيۆالدەردە لايىقتى باعاسىن الىپ، ماراپاتتارعا قول جەتكىزىپ جاتىر. مىسالى «اسان» جانە «تىعىلماق» فيلمدەرى مامىردىڭ 8ء-ى مەن 19-ى ارالىعىندا فرانسيادا وتكەن حالىقارالىق كانن كينوفەستيۆالىنىڭ Short Film Corner باعدارلاماسى اياسىندا كورسەتىلدى. «تىعىلماق» ءفيلمى جاقىندا عانا وتكەن «ەۋرازيا» جانە «ەرتىس سينەما» كينوفەستيۆالدەرىندە دە ب ا ق سىنادى، - دەدى انار قاشاعانوۆا.

ايتا كەتەلىك، «قازاقفيلم» كينوستۋدياسى بيىل دا سەنارييلەر بايقاۋىن جاريالاعان بولاتىن. بايقاۋعا 80-نەن استام جۇمىستار ءتۇسىپ، ونىڭ 10-ىن ىرىكتەۋ كوميسسياسى تاڭداپ العان. ناتيجەسىندە ش.ايمانوۆ اتىنداعى «قازاقفيلم» اق-ى «دەبيۋت» شىعارماشىلىق-وندىرىستىك بىرلەستىگى تومەندە كورسەتىلگەن ون قىسقامەتراجدى  فيلمدەردىڭ اۆتورلارىمەن ءوندىرىس بويىنشا كەلىسىم جاساستى:

«ستاتۋسى: بوس ەمەس» (رەج. ءمادي بالجانوۆ)، «جۇلدىزدار» (رەج. بەكسۋلتان ءانۋاروۆ)، «پايداسىز جاراتىلىستار» (رەج. جانىبەك مۇرتازين)، «دومبىرا» (رەج. رامازان حاليوللا)، «جيۋل ۆەرن تۋرالى ەمەس» («سارى كويلەك»، رەج. تالعات ابىشيەۆ)، «مۋزا» (رەج. ارمان قايىرجان)، «قوس اعاش» (رەج. راحىمجان قالدىگوز)، «تيىن» (رەج. مۇرات ەسجان)، «تامىز» (رەج.جاندوس كۇسايىنوۆ) جانە «تىنىشتىق ءانى» (رەج.باعلان كۇدايبەرلييەۆ).

ىرىكتەۋدەن وتكەن سەنارييلەردىڭ  اننوتاسيالارى:

«پايداسىز جاراتىلىستار» 

سەناريي اۆتورلارى: جانىبەك مۇرتازين، باۋىرجان مولداشبايەۆ.

رەجيسسەرى: جانىبەك مۇرتازين

جاڭا فيلم تۇسىرۋگە بەل بۋعان ەكى ەر ادام تۋرالى باياندايدى.

«جۇلدىزدار»

سەناريي اۆتورى: اسقار ابدوللايەۆ

رەجيسسەرى: بەكسۇلتان ءانۋاروۆ

ءتۇن جامىلعاندا كىشكەنتاي قىز اعىپ بارا جاتقان جۇلدىزدارعا قاراپ ارماندايدى.

«تامىز»

سەناريي اۆتورى جانە رەجيسسەرى: جاندوس كۇسايىنوۆ

فيلم پوستكەڭەستىك كەزەڭدە وبلىس قالالارىنىڭ بىرىندە تۇراتىن بالا تۋرالى. ول باسىنا تۇسكەن قيىندىقتاردى شەشۋگە بەل بۋادى.

 «ستاتۋسى: بوس ەمەس»

سەناريي اۆتورى جانە رەجيسسەرى: ءمادي بالجانوۆ

سۇيگەن قىزىنىڭ ءجۇرىس-تۇرىسىن ۇنەمى قاداعالايتىن ەر جىگىت تۋرالى فيلم.

«دومبىرا»

سەناريي اۆتورى: رامازان حاليوللا، جانات جايلىباي

رەجيسسەرى: رامازان حاليوللا

فيلمدە 8 جاستاعى احمەت ەسىمدى بالانىڭ ءومىرى باياندالادى. دومبىرانىڭ قۇلاعىندا وينايتىن ول ايگەرىمنىڭ سۇلۋلىعىنا تامسانىپ ءجۇرىپ، اسپابىن جوعالتىپ الادى.

«قوس اعاش»

سەناريي اۆتورى: شىڭعىس مامانوۆ

رەجيسسەرى: راحىمجان قالدىگوز

جول اپاتىنان زارداپ شەككەن وتباسى تۋرالى فيلم.

 «جيۋل ۆەرن تۋرالى ەمەس» («سارى كويلەك»)

سەناريي اۆتورى: ءادىل نۇرمۇحامبەتوۆ

رەجيسسەرى: تالعات ابىشيەۆ

اناسىمەن اۋىلىنا ورالعان بالا دوسىن ىزدەپ اۋىلدى ارالايدى. ءبىراق بۇل كەزدەسۋ ول ويلاعانداي بولا ما؟

«تىنىشتىق ءانى»

سەناريي اۆتورى جانە رەجيسسەرى: باعلان كۇدايبەرلييەۆ

قازاق كسر-نىڭ ورتالىعى، 1940 جىل. ەكى ەر ادام دالادا جالعىز تۇرعان قازاق ۇيگە كەلىپ، باستىقتارىنىڭ تاپسىرماسىن ورىنداماقشى.

«تيىن»

سەناريي اۆتورى جانە رەجيسسەرى: مۇرات ەسجان

قايتىس بولعان اكەسىن قايتارىپ الماق بولعان بەس جاستاعى بالا تۋرالى وقيعا.

«مۋزا»

سەناريي اۆتورى جانە رەجيسسەرى: قايىرجان ارمان

فيلمدە ىشىمدىككە سالىنىپ، جۇمىسىنان ايىرىلعان ساكەن ەسىمدى كومپوزيتوردىڭ تاعدىرى باياندالادى. ءبىر كۇنى ول سۇيىكتىسىن كەزدەستىرەدى. الايدا ونىڭ ءومىرى وزگەرە مە؟