جيىنداردا، سالتاناتتا القالى، دۋىلداتىپ وتىراتىن ورتانى. ەرەكەڭنىڭ ەستىلمەيدى ءور ءۇنى، كورىنبەيدى اقىن سول ءبىر ارقالى. ول كەلگەندە شۋاقتانار قالىڭ توپ، قۇشاققا الار بولە-جارماي ءبارىن كەپ. ال، جىگىتتەر "جىرتىڭدايىق" دەپ كۇلىپ، قالتاسىنان سۋىراتىن "بارىم" دەپ. سودان، سودان باستالاتىن دۋ-دۋمان، جىگىتتەردە قوسىلاتىن "قىر-قىردان". ەرەكەڭە "شابۋىلداپ" قوياتىن. بالدىزدارى "ارقا قوزعان، جىن بۋعان". قىزىق-قىزىق اڭگىمە ەتىپ، جوق- باردى، (سونىڭ ءبارى سانامىزدا ساقتاۋلى). بىردە ەرەكەڭ قاراپ تۇرىپ بىزدەرگە، "قوجبانبەتتىڭ قىزدارىن-اي" دەپ قالدى. "قوجبانبەتتىڭ قىزدارىن-اي، قىزدارى، سەكىلدى ولار جەلتوقساننىڭ ىزعارى. بىرەۋلەرگە قور بولدى عوي"، دەپ كۇلدى، "ناشارلاۋ" دەپ الجان- اتا ۇلدارى" "قوجبانبەتتىڭ قىزدارىندا باتىرلىق، دۇنيەگە قىزىقپايتىن اقىل-نىق. ءموابيتتىڭ تۇرمەسىندەي قاھارلى، مۇسا ءجاليلدى جىبەرگەن جەر اقىن-عىپ. قوجبانبەتتىڭ قىزدارىن-اي "قور بولعان"، (التىنگۇل مە، العان جارىم "سول ماڭنان"). مىنا مەنى اقىن ەتكەن سول اكپەڭ، فاشيستەردىڭ قاتال "زاڭىن" قولدانعان. عاشىق ەتىپ، ەسىمدى العان، ەسىمدى، "تورعا ءتۇستىم" ەركىندىگىم كەسىلدى. تاڭعا دەيىن سوندىرمەستەن شامىمدى، ولەڭ جازىپ، قايتارامىن ءوشىمدى. ەركەلەيمىن، ەركىنسيمىن، بۇلدانام، پانا تۇتار سەكىلدى ول ىزگى انام. قوجبانبەتتەي تەكتى اتامنىڭ ۇرپاعى ول، اتا-بابا سالتىن ساقتاپ، بۇزباعان. ۇرپاق سىيلاپ ۇلدار بەرگەن، قىز ماعان، ونى كەيدە كۇننەن، ايدان قىزعانام. مۇحيت اسىپ، جول تۇسكەندە كۋباعا، ارۋلارىن "التىنكۇل" دەپ جىرلاعام. ماقتانعان ءجون، ماقتاۋ كەرەك بۇل تۇستا، جەڭەمىن دەپ تۇسپە ولارمەن "قىرقىسقا". قوجبانبەتتىڭ قىزدارىن-اي "قور بولعان"، قاي-قايداعى بىرەۋلەرگە "يت-قۇسقا". ...ءجا، ەرەكە، سوزدەرىڭىز قونىمدى، ءبىزدىڭ قاتىن... جالعاپ ءجۇرمىز جولىڭدى. باجالاردى "يت پەن قۇسقا" بالادىڭ، سەن، ءوزىڭ شە... تۇسىنبەدىك ونىڭدى... دەپ ولار دا قورعانۋعا شەپ قۇردى، ەرەكەڭدى سۇرىندىردىك دەپ تۇردى. "سەندەر بولساڭ "يتىسىڭدەر"، باۋىرلار، بىلە-بىلسەڭ "مەن قۇسىمىن" دەپ كۇلدى... شىنىندا دا قۇستاي ۇشقان ەر ەدى، حان-تاڭىرگە بوي سوزاتىن ولەڭى. جانىڭىزدى جادىراتىپ تۇراتىن، استارى كوپ، ءازىلىنىڭ تەرەڭى. شىنىندا دا قۇسقا اينالدى سول اقىن، قالامىنان قاعازعا بال تاماتىن. "تۇلپارىنان ءتۇسىپ قالعام" دەپ جۇرگەن، مۇقاعالي دوس-اعاسى بولاتىن. ۇشتى -كەتتى ماڭگىلىكتى بەتكە الىپ، قالا بەردىك جانىمىزدى شوق قارىپ. بىرەۋلەرمەن تانىسقاندا، ەركىننىڭ، ساربازىمىز دەپ قويامىز، ماقتانىپ. ءومىر، ءومىر بارا جاتىر العا اسىپ، كۇندەر -ايعا، ايعا -جىلدار جالعاسىپ. ەرەكەڭنىڭ بىر-ەكى "ءيتى" ءالى دە، بالدىزسىنار بالاعىما جارماسىپ. ازىلدەيدى ەتەگىنەن تارتقىلاپ، (كەيدە مەن دە كەتىپ قالام "قاتتىراق"). "يتتىگىن دە" بايقاتادى استارلاپ، ەرەكەڭدەي بولا المايدى ءمارت ءبىراق. ازىلىندە ارامدىق جوق، جوق كۇدىك، ەرەكەڭنىڭ ءاربىر ءسوزى- تەكتىلىك. ...كەيدە الدىمنان شىعا كەلەر سەكىلدى، "التىنگۇلدىڭ ءسىڭىلىسى" دەپ كۇلىپ... سەرىكجان قاجي، اقىن