الماتىدا تەمىربەك جۇرگەنوۆ اتىنداعى قازاق ۇلتتىق ونەر اكادەمياسىنىڭ شاتىرى ورتكە وراندى. بۇل تۋرالى NUR.KZ الەۋمەتتىك جەلىلەردەگى كۋاگەرلەردىڭ اقپاراتىنا سىلتەمە جاساپ حابارلايدى.

فوتو: ۆكونتاكتە

ءورت 13.30-دا باستالعان، وسى ۋاقىتتا قىزىل جالىننىڭ شارپىعان اۋماعى 1000 شارشى مەتردەن اسىپ كەتتى.

بۇل تۋرالى اقپار وقيعاعا كۋا بولعان جەلى پايدالانۋشىلارىنان جەتىپ وتىر.

وقۋ ورنىنىڭ ءۇستىن ورتتەن ءتۇتىن باسقان. بۇل كۇنى وقۋ ورنىندا ناۋرىزعا قاتىستى مەرەكەلىك شارالار وتكىزىلگەندىكتەن ساباق بولماپتى. ءورتتى وقۋ ورنىندا اتالعان شارالار اياقتالعاننان كەيىن بايقاعان.  ستۋدەنتتەر تۇگەلدەي دالاعا شىعارىلدى. ءورت اكادەميانىڭ كيىم اۋىستىراتىن بولمەسىنەن شىعۋى مۇمكىن.

بۇل اقپاراتتى قالالىق تجد باسپا ءسوز حاتشىسى نۇربەك قوجاحمەتوۆ تە راستادى.

وقۋ ورنى  پانفيلوۆ-بوگەنباي باتىر كولشەلەرىنىڭ قيىلىسىندا ورنالاسقان.

فوتو كارىم قادىربايەۆتىڭ Facebook-تەگى پاراقشاسىنان الىندى.