كونستانتين گوروجانكين قىزمەت ەتەتىن «قازكونتەنت» اق باسقارما ءتوراعاسى ەۆگەنيي كوچەتوۆ قىزمەتكەرىنىڭ ارەكەتىنە قاتىستى مالىمدەمە جاسادى دەپ حابارلايدى Qamshy.kz اقپارات اگەنتتىگى.  ول گوروجانكيننىڭ جاقسى قىزمەت اتقارعانىن، الايدا قىزۋ تالقىعا تۇسكەن پىكىرى ءۇشىن تاۋەلسىز ديرەكتورلار كەڭەسىنەن شىعارىلعانىن ايتتى. 

"1. اقپارات جانە كوممۋنيكاسيالار مينيسترلىگى تاراپىنان گوروجانكيننىڭ پىكىرى بويىنشا ىىم-نە رەسمي xات جولداندى. اتالعان فاكت بويىنشا قازاقستان رەسپۋبليكاسىنىڭ قىلمىستىق كودەكسiءنىڭ 174-بابىمەن (الەۋمەتتiك، ۇلتتىق، رۋلىق، ءناسiلدiك، تەكتىك-توپتىق نەمەسە دiني الاۋىزدىقتى قوزدىرۋ) الماتى قالاسىنىڭ ءىىد 8 تامىز كۇنى سدتبت تىركەلىپ، سوتقا دەيىنگى تەرگەۋ امالدارى جۇرگىزىلۋدە.
2. گوروجانكين ديرەكتورلار كەڭەسىنە تاۋەلسىز مۇشەلىككە قازاقستانداعى ءىت قاۋىمداستىق پەن ينتەرنەت-يندۋستريانىڭ بەدەلدى وكىلى رەتىندە سايلانعان بولاتىن. 
3. Qazcontent اق ديرەكتورلار كەڭەسىنىڭ مۇشەسى قىزمەتىن اقىسىز اتقارادى. ناقتىراق ايتار بولساق، شتاتتا بولمادى جانە جالاقى المادى.
4. وسى ۋاقىت ارالىعىندا ونىڭ جۇمىسىنا ەسكەرتۋلەر بولعان جوق. الايدا ونىڭ سوڭعى پىكىرى Qazcontent اق جۇمىسىمەن ۇيلەسپەيدى، وسىعان بايلانىستى ول ديرەكتورلار كەڭەسىنىڭ قۇرامىنان شىعارىلدى جانە بۇدان بىلاي Qazcontent اق تاۋەلسىز ديرەكتور ەمەس."، دەپ جازدى ەۆگەنيي كوچەتوۆ ءوزىنىڭ فەيسبۋك پاراقشاسىنا. 

ەسكە سالساق، «قازكونتەنت» اق ديرەكتورلار كەڭەسىنىڭ تاۋەلسىز ديرەكتورى كونستانتين گوروجانكيننىڭ Facebook الەۋمەتتىك جەلىسىندە قازاق ۇلتى تۋرالى جازعان پىكىرى قىزۋ تالقىلانعان بولاتىن. ول 6 تامىزدا تۇركىستان وبلىسى، اباي اۋىلىندا زورلانعان 7 جاستاعى بالانىڭ ىسىنە قاتىستى جازىلعان جازبانىڭ استىندا پىكىر قالدىرعان.

«ماسەلە گەندە. 19 عاسىردا قازاقستاندا ساياحاتتاعان ساياحاتشىلاردىڭ جازباسىندا جەرگىلىكتى تۇرعىندار مالمەن جىنىستىق قاتىناسقا تۇسەتىنى جانە گوموسەكسۋاليزم تۋرالى ءجيى ايتىلدى» دەپ جازعان.