تانىمال ءانشى سالتانات باقايەۆا ءوزىن "ءان ۇرلادى" دەپ ايىپتاعان نازەركە سەمەيگە جاۋاپ بەردى دەپ حابارلايدى Qamshy.kz اقپارات اگەنتتىگى. بۇل تۋرالى سالتانات باقايەۆا ءوزىنىڭ ينستاگرام پاراقشاسىنا جاريالاعان.
ەسكە سالساق نازەركە سەمەي "ادەمى-اي" انىنە العاش رەت مەن ءسوز جازعانىن، الايدا سۇراعان قالاماقىعا كەلىسپەي ءسوزىن باسقا اقىنعا جازدىرتقانىن فەيسبۋك جەلىسىنە جاريالاعان بولاتىن.
ءوز كەزەگىندە، سالتانات باقايەۆا ءوزىنىڭ الا ءجىپتى اتتاماعانىن، نازەركە سەمەيدىڭ ءوزىن ايىپتاعانىن كورىپ تاڭعالعانىن ايتادى.
"اتا انامنىڭ "بىرەۋدىڭ الا ءجىبىن اتتاما" دەگەن سوزىمەن وسكەن قىزبىن،ەش ۋاقىتتا بىرەۋدىڭ كەلىسىمىسىز ءانىن نە ءسوزىن پايدالانىپ ءان ايتقان ەمەسپىن!
بۇگىنگى نازەركە سەمەيدىڭ عالامتورعا جىبەرگەن ۆيدەوسى توبەمە سۋ سەپكەندەي بولدى...شىنى كەرەك جاس اقىن قىزداردىڭ ىشىندە وزىمە قاتتى ۇنايتىن،اقىنداردىڭ ءبىرى! "اگۋگاي قۇربىم" اتتى ءانىمنىڭ ءسوزىن جازعان نازەركە. ءسوزىن تەگىن جازىپ بەرۋگە كەلىسىپ ەندى،اراعا 3-4 جىل وتكەن سوڭ وسىنداي داۋ شىعارىپ "اقشا تولەمەدىڭ" -دەپ جاتقانى مەن ءۇشىن تاڭعالارلىق جاعداي بولدى... اقشاسىن سۇراسا، مەن كەلىسىپ نە كەلىسپەي ايتەۋىر ءبىر ماملەگە كەلەتىن ەدىك. ءبىراق مەن ءسوزىنىڭ اۆتورى نازەركە بولعاندىقتان بۇكىل تەلەديدار، راديودا اۆتورىن ماقتانىشپەن ايتىپ،جازىپ وتىرامىن!
ءبىراز ۋاقىت وتكەن سوڭ كەلەسى ءانىمنىڭ ءسوزىن جازسا ەكەن دەگەن ويمەن تاعى xابارلاستىم،بۇل جولى 50000 تگ دەدى،شىنى كەرەك سول ساتتە ءالى تۇراقتالماعان، جاڭادان جەكە ءانشى رەتىندە شىعىپ كەلە جاتقان شاعىم بولاتىن، مەن 20000 تەڭگەگە كەلىسۋىن ءوتىندىم...ءبىراق كەلىسپەدى ونىڭ ۇستىنە دۋلات قۇيقىس ەسىمدى اقىن ءسوزىن تەگىن جازىپ بەرەيىن دەپ ۇسىنىس تاستاعان سوڭ.مەن قۋانىپ سول كىسىنىڭ سوزىمەن "ادەمى-اي" اتتى ءانىمدى شىعاردىم!
بار ماسەلە وسى قۇرمەتتى وقىرمان....
نازەرەكەنىڭ بۇل بالكىم قىزعانىشتان تۋىپ وتىرعان ويى بولار... ءوز باسىم قاتتى ۇيالىپ وتىرمىن!...."، دەپ جاۋاپ بەردى سالتانات باقايەۆا.
