قۇرمەتتى نۇرسۇلتان ءابىش ۇلى!

ەكىنشى دۇنيەجۇزىلىك سوعىسىندا قابار-وشارسىز كەتكەن ەرلەرىن، بالالارىن كەلىپ قالار دەپ ۇمىتتەنىپ ءومىرىنىڭ سوڭىنا دەيىن كۇتكەن تالاي انالاردى كوردىك.  قازاق حالقى روسسيا وتارىنان بوسانىپ، ەركىندىك الىپ، وركەنيەتتى دەموكراتيالىق، ءادىل قوعام قۇرساق دەپ ارمانداپ ۇلەس تە قوستىم. مەن جوعارىداعى انالارداي، وركەنيەتتى دەموكراتيالىق، ءادىل قوعامدى 28 جىلدان بەرى ۇمىتتەنىپ كۇتىپ كەلەمىن. نۇرسۇلتان ءابىش ۇلى، ءسىزدىڭ جاسىڭىز دا، ءبىزدىڭ جاسىمىز دا كەلىپ قالدى. قولىڭىزداعى حالىق مانداتىن پايدالانىپ «وركەنيەتتى دەموكراتيالىق قوعام» قۇرىپ، ەلدىڭ ارمانى سايلاۋدىڭ ءادىل وتۋىنە/سايلاۋ ادال وتپەي، حالىق سايلانعان وكىلدەرىنىڭ ادالدىعىنا ەش سەنبەيدى/ بۇگىننەن باستاپ جول باستاپ بەرۋىڭىزدى كۇتەمىز. سوندا ءۇمىتىمىز اقتالىپ، ۇرپاق بولاشاعىنا الاڭداماي كەتە بەرەمىز. ەل قاريالارى ءبىز ايتپاساق، كىم ايتادى؟ قوعام رۋحاني ازدى، ونى قالپىنا كەلتىرۋدىڭ بىردەن-بىر ەمى – دەموكراتيا مادەنيەتىن دامىتۋ دەپ ويلايمىن. ...تۇپكى ءۇمىت – ۇرپاعىمىز ءادىل قوعامدا، تەڭدەي جاقسى ءومىر ءسۇرۋى.

قۇرمەتپەن، "قادىرمەندى قاريالار" قب ءتوراعا ورىنباسارى 
جارقىنبەك سەيتىنبەت ۇلى