رۋمىنيا ساۋىردەن باستاپ رەسەيلىك گازدان باس تارتادى،-دەپ حابارلايدى "قامشى" پورتالى رۋمىنيالىق " ەسوnomica " باسىلىمىنا سىلتەمە جاساي وتىرىپ. رۋمىنيانىڭ رەسەيدىن يمپورتتالاتىن تابيعي گازدان باس تارۋىنا ونەركاسىپ ورىندارىندا سۇرانىستىڭ ايتارلىقتاي تومەندەۋى سەبەپ بولعان. رۋمىنيا  ون جىلدىڭ ىشىندە ءبىرىنشى رەت رەسەيلىك تابيعي گازدان  ءوز ەركىمەن باس تارتىپ وتىر. 2015 جىلدىڭ ساۋىرىنەن باستاپ رۋمىنيانىڭ بىرنەشە ءىرى ونەركاسىپ جانە كەن ورىندارى  ىشكى رەسۋرستار ەسەبىنەن قامتاماسىز ەتىلمەك ءقازىر رۋمىنيانىڭ تابيعي گازعا دەگەن جىلدىق قاجەتتىلىگى 11 ميلليارد كۋبمەتردى قۇرايدى. ونىڭ 400 ميلليونى رەسەيدەن يمپورتتالادى. ال 2007 جىلى رۋمىنيانىڭ جالپى تابعيعي گازدى تۇتىنۋ مولشەرى 18 ملرد.كۋبمەتردى قۇراسا، ونىڭ ۇشتەن ءبىرى، ياعني، 4،5 ملرد. كۋبمەترى رەسەيدەن تاسىمالدانعان. 2007 جىلدان بەرى قاراي رۋمىنيانىڭ رەسەيدەن جەتكىزىلەتىن تابيعي گازعا دەگەن سۇرانىسى تۇراقتى تۇردە 500 ميلليوندى كورسەتكەن. رۋمىنيالىق باق-تى جازعانداي، رۋمىنياعا رەسەيدەن جەتكىزىلەتىن تابيعي گازدىڭ 1 مىڭ كۋبمەترى 380 دوللاردى قۇراسا، رۋمىنيانىڭ وزىندە وندىرىلەتىن گازدىڭ باعاسى 200 دوللار تۇرادى ەكەن. وسىعان وراي رۋمىنيا كورشىلەس جانە ەۋرووداق ەلدەرىن 2018 جىلعا قاراي تابيعي گازبەن قامتاماسىز ەتۋدى جوسپارلاپ وتىر،-دەلىنگەن " ەسوnomica " باسىلىمىندا.