22 ناۋرىز. "Qamshy.kz" - رەسەي فەدەراسياسى ءوزىنىڭ "يادرولىق قارۋ" ساياساتىمەن قورقىتۋىن توقتاتار ەمەس. بۇل جولى رەسەيدىڭ دانياداعى ەلشىسى ميحايل ۆانين "

" باسلىمىنا بەرگەن سۇحباتىندا ايتقان. "ەگەر دانيا رەسپۋبليكاسى ناتو-نىڭ انتيراكەتالىق قوعانىس جۇيەسىنە وتەتىن بولسا، رف يادرولىق قارۋ قولدانۋى مۇمكىن. مەن دانيا رف يادرولىق قارۋىنىڭ كۇشىن، ونىڭ دانياعا اكەلەتىن زاردابىن ءالى تولىق بىلمەيدى دەپ ەسەپتەيمىن. دانيا امەريكا باسقارىپ وتىرعان ناتو-نىڭ زىمىرانعا قارسى قورعانىس جۇيەسىنە كوشەتىن بولسا، رف ءوزىنىڭ يادرولىق قارۋ ساياساتىن قولدانۋى بەك مۇمكىن. قايتالاپ ايتىم، ونداي جاعدايدا دات اسكەري كەمەلەرى رەسەيدىڭ يادرولىق زىمىراندارىنىڭ نىسانى بولىپ كەتۋى مۇمكىن"،- دەگەن رەسەيلىك ەلشى ۆانين. ءۆانيننىڭ ايتۋىنشا بۇل رەسەي فەدەراسياسى مەن دانيا رەسپۋبليكاسىنىڭ قارىم-قاتىناسىنا ايتارلىقتاي كەرى اسەرىن تيگىزەدى. "بۇل ارينە، وزدەرىڭىزدىڭ قالاۋلارىڭىز. مەن، تەك ناتو-مەن بىرىگۋ سىزدەر ءۇشىن ۇلكەن شىعىن ءارى مەملەكەتتىك قاۋىپسىزدىكتەرىڭىزدەن ايىرىلاتىندارىڭىزدى ەسكەرتكىم كەلەدى"،-دەگەن ديپلومات سۇحباتىندا. رەسەيلىك ەلشىنىڭ بۇل مالىمدەمەسى دات رەسپۋبليكاسىنىڭ ءبىرقاتار ساياساتكەرلەرىنىڭ نارازىلىعىن تۋدىرعان. اتالمىش مالىمدەمەدەن سوڭ دانيا ءسىم مارتين ليدەگاارد "بۇل ءىستى ۋشىقتىرماۋ كەرەك جانە بىلىكتى ساياساتكەر ءار سوزىنە جاۋاپ بەرۋى ءتيىس. ەگەر ەشلى وسى مالىمدەمەسى ارقىلى ءبىزدى قورقىتىپ وتىرسا، بۇل تىنىش جابىلا سالاتىن ءىس ەمەس. ول جاۋاپ بەرەتىن بولادى. ناتو-نىڭ انتيراكەتالىق قورعانىس جۇيەسى الەمدەگى ەڭ مىقتى قورعانىس جۇيەسى ەكەنىن رەسەي جاقسى بىلدەى. بۇل رەسەيگە قارسى جاسالىنىپ وتىرعان جوق جانە ءبىز شابۋىل جاسامايمىز. تەك قورعانامىز"،- دەگەن تۇسىنىكتەمە بەرگەن.