23 ناۋرىز. Qamshy.kz - قازاقستانىق رەجيسسەر ءادىلحان ەرجانوۆتىڭ "ءۇي يەلەرى" ءفيلمى حالىقارالىق "كانن" كينوفەستيۆالىندە "ارنايى كورسەتىلىم" سەكسياسى بويىنشا دەبيۋتتىق قادام جاسادى. بۇل تۋرالى "قامشى" پورتالى حابارلايدى.

ال باتىس كينوكريتيكتەرى قازاقستاندىق رەجيسسەردىڭ بۇل تۋىندىسىن جاقسى باعالاپ، كافكا مەن كاريۋسمياكيدىڭ قولتاڭبالارىن سەزىنگەندىگىن بىلدىرگەن.

ساراپشىلار ءفيلمدى ينتەلەكتۋالدى دەڭگەيى وتە جوعارى، ساپالى ءارى كوركەم تۋىندىلار قاتارىنا جاتقىزعان. ءتىپتى، كانن فەستيۆالىندەگى كورسەتىلىمنەن سوڭ، كورەرمەندەر توقتاۋسىز 5 مينۋت بويى قول سوعۋمەن بولعان.

ءفيلمنىڭ فابۋلاسى مىناداي. 25 جاستاعى دجون، ونىڭ وگەي باۋىرى ەربول جانە قارىنداستارى ءاليا الماتى قالاسىنداعى ۇيلەرىن تاستاپ، شەشەلەرى مۇراعا قالدىرعان اۋىلداعى ۇيلەرىنە كوشىپ بارماقشى بولادى.  الايدا جەرگىلىكتى شەندىنىڭ باۋىرى ون جىلدان بەرى بوس تۇرعان ۇيگە زاڭسىز قونىستانىپ العان. باۋىرلار ماسەلەنى تۇسىندىرمەكشى بولعانىمەن، ەشكىم ءۇيدى بوساتپايدى. سودان اعايىندىلار ءۇيدى زاڭمەن شەشىپ الماقشى بولعاندا نەشە ءتۇرلى ادىلەتسىزدىكتەر مەن كەلەڭسىزدىكتەرگە جولىعادى.

ال ساراپشىلار بولسا قازاقستاندىق جاس رەجيسسەردىڭ بۇل تۋىندىسىن بيىلعى "كانننىڭ" جاڭالىعى دەپ باعالاپ، ءفيلمدى "قارا يۋمور" جانرىنا جاتقىزعان.

نۇرزات توعجان