كەشە فرانسيانىڭ الپى تاۋىندا اپاتقا ۇشىراعان Airbus A320 ۇشاعىندا قازا بولعانداردىڭ قاتارىندا قازاقستاننىڭ تۋماسى، ايگىلى وپەرا ءانشىسى ولەگ برىجاك بار. بۇر تۋرالى "قامشى" پورتالى "Blid" باسىلىمىنا سىلتەمە جاساي وتىرىپ حابارلايدى.

"ديۋسسەلدورفتاعى "دۋيسبۋرگ" نەمىس وپەراسى تەاتردىڭ باس-باريتونى ولەگ برىجاكتىڭ قازاسىنا قايعىرىپ كوڭىل ايتادى. ول بارسەلونادان ديۋسسەلدورفقا باعىت العان U49525 رەيسىندە بولعان. رەسمي مالىمەتتە ۇشاقتا بولعانداردىڭ تۇگەل قازا بولعاندىعى ايتىلعان" ،-دەيدى ءوزىنىڭ Twitter  پاراقشاسىندا نەمىس ءجۋرناليستى گوننە گارلينگ. ال "ديۋسسەلدورف" نەمىس وپەرا تەاترى باسشىلىعى ولەگ برىجاكتىڭ قازا بولعاندىعىن راستاعان. "ءبىز ءوزىمىزدىڭ عانا ەمەس، الەمدىك وپەراداعى ۇلى ءانشى، ۇلكەن داۋىس يەسىنەن، ولەگ بىرىجاكتان ايىرىلىپ قالدىق"،-دەيدى تەاتر ديرەكتورى كريستوف مايەر.

ولەگ بىرىجاك - 1960 جىلى قازاقستاندا تۋعان. قاراعاندى مەملەكەتتىك مۋزىكالىق ۋچيليشەسىن ءتامامداعان سوڭ  ولەگ الماتىداعى كوسەرۆاتوريادا جەكە ۆوكال كلاسىنان ساباق الادى. كوسەرۆاتوريانى اياقتاعان سوڭ جەزقازعان، تەمىرتاۋداعى مۋزىكالىق ۋچيليشەدە ساباق بەرگەن. سونداي-اق، ولەگ چەليابينسكىدەگى، لۆوۆتاعى، سانكت-پەتەربورداعى مۋزىكالىق اكادەميالاردا وقىتۋشى بولىپ قىزمەت اتقارادى. 1996 جىلدان باستاپ نەمىستىڭ "ديۋسسەلدورف" وپەرا تەاترىنا اۋىسادى.

وپەرادا ۇلكەن جەتىستىكتەرگە جەتكەن ولەگ سوناۋ پاريج، سيۋريح، بونن، كەلن، شتۋتگارت، نيۋرنبەرگ، گامبۋرگ، بەرلين، درەزدەن، ميۋنحەن، توكيو، لوندون، امستەردام، پراگا، چيكاگو، ستراسبۋرگ، لوس-اندجەلەس، بەرلين، مادريد ساحنالارىندا ءان شىرقاعان.

ول ءوزىنىڭ سوڭعى سۇحباتتارىنىڭ بىرىندە، (Deutsche Welle ) "مەن ۋكراينانى، رەسەيدى جانە تۋعان جەرىم اياۋلى قازاقستاندى سۇيەمىن. مەن  ۇلتارالىق تەڭسىزدىك دەگەن ءسوزدى جەك كورەمىن"،دەگەن بولاتىن.

ەسكە سالا كەتەيىك، كەشە بارسەلونادان ديۋسسەلدورفقا باعىت العان Airbus A-320 ۇشاعى  فرانسيانىڭ الپى تاۋىندا اپاتقا ۇشىراعان بولاتىن. بورتىندا 154 جولاۋشى بولعان، ولاردىڭ  6-سى ەكيپاج مۇشەلەرى.

سوڭعى دەرەككوزدەرىندە اپاتقا ۇشىراعان ۇشاقتا گەرمانيا، فرانسيا، يسپانيا، نيدەرلاندى، رەسەي، تۇركيا، جاپونيا جانە كولۋمبيا ازاماتتىرا بولعان. ال اپاتتان ءتىرى قالعاندار تۋرالى ناقتى اقپارات جوق.

ال كەشە ق ر پرەزيدەنتى نۇرسۇلتان ءابىش ۇلى يسپانيا كورولدىگىنە قازاعا ورتاقتاسىپ، كوڭىل ايتۋ جەدەل حاتىن جولدادى.

نۇرزات توعجان