قازاقستان رەسپۋبليكاسى رەسەي فەدەراسياسىمەن قوس بىردەي ورتاق وداققا (ەاەو جانە كو) كىرگەلى بەرى 170 ميلليوندىق نارىققا جولا اشىلاتىن بولدى دەپ قۋانعان ەدىك. قۋانىشىمىز كوپكە سوزىلمادى. بيىل كەدەندىك جانە ەۋرازيالىق ەكونوميكالىق وداققا مۇشە ەلدەر ءۇشىن اۋىر جىل بولدى. ءبىزدىڭ ەجەلدەن بەرگى وداقتاسىمىز رەسەي فەدەراسياسىنىڭ ۋكراينا جانجالىنا ارالاسۋى مەن كىرىم اننەكسياسىنان كەيىن اقش جانە باتىس ەلدەرىنىڭ رەسەيگە ەكونوميكالىق سانكسيالار سالعانى بەلگىلى. رف-عا سالىنعان سانكسيالاردىڭ سالقىنى وداققا مۇشە ەلدەرگە بىردەي تيەتىنى تاعى راس. ەاەو-دا ەكونوميكا السىرەپ، جاھاندى جالماعان داعدارىستىڭ ۇشقىنى سەزىلە باستادى. وسىنداي كەزەڭدە رف جانىنان تابىلعان بىردەن-بىر مەملەكەت ق ر بولدى. سەبەبى، ق ر جانە رف باۋىرلاس(براتسكيي گوسۋدارستۆو) ءارى كورشىلەس مەملەكەتتەر ەدى. الايدا سوڭعى ۋاقىتتا رەسەي ۇكىمەتى قازاقستانعا قاتىستى كو جانە ەاەو اياسىندا ءبىرقاتار كەلەڭسىزدىكتەردى تۋىنداتىپ وتىرعانى ءبىزدى الاڭداتاتىنى راس-اق. مىسالى، رف پرەزيدەنتى ۆ.پۋتيننىڭ ەاەو اياسىندا ورتاق ۆاليۋتالىق وداق قۇرۋ يدەياسى، ورىسپەن ورتاعىمىزدى كوبەيتىپ، ءتاۋ ەتەر تاۋەلسىزىدىگىمىزگە نۇقسان كەلتىرمەي مە دەگەن ساۋالتۋىنداتادى. نەمەسە باتىس سانكسيالارىنىڭ سالدارىنان وداقتاس ەلدەردىڭ الەۋمەتتىك تۇرمىس-جاعدايى تومەندەي مە؟
ەندى مىنە، قىلتىڭى مەن سىلتىڭى كوبەيىپ كەتكەن رف-مەن وداقتاس بولىپ، 170 ميلليوندىق نارىقتى ارمانداپ جۇرگەندە پۋتين قازاقستاننان رەسەيگە اكەلىنەتىن تاۋارلاردى كو تالاپتارىنا سايكەس كەلمەيدى دەگەن سىلتاۋلاردى جەلەۋ ەتىپ شەكارادان وتكىزبەي قويعان. سوندا بۇل ەمبارگونىڭ ءبىر ءتۇرى مە؟ ءسوزىمىز دالەلدى بولۋى ءۇشىن اپتا ىشىندە قازاقستاننان رەسەي اۋماعىنا جونەلتىلگەن، الايدا ورتا جولدا تاركىلەنگەن تاۋارلاردى سانامالاپ كورەيىك.
- رەسەيلىك روسسەلحوزنادزور باسقارماسى قازاقستانعا جىبەرىلۋى ءتيىس 35 تونناعا جۋىق قۇس ەتى تيەلگەن 7 ۆاگوندى شەكارادان وتكىزبەي قويدى.
22 ناۋرىز كۇنى پىتالوۆا قالالىق تجپپ قازاقستانعا باعىت العان CRLU 5178629 پويىزىنان 35،010 تونناعا جۋىق امەريكالىق قۇس ەتىن تاركىلەگەن. 7 ۆاگونعا تيەلگەن قۇس ەتىنە اقش-تىڭ ۆەتەرينارلىق قاداعالاۋ باسقارماسىنىڭ №ر-247 كۋالىگى بەرىلگەن جانە قازاقستان رەسپۋبليكاسىنىڭ تەرريتورياسىنا جونەلتىلگەن.
بۇعان سەبەپ بولعانى، اقش-تان قازاقستانعا اكەلە جاتقان قۇس ەتى كو اكتىلەرىندە كورسەتىلگەن ۆەتەري نارلىق-سانيتارلىق تالاپتارعا سايكەس كەلمەگەن. تاۋاردىڭ وندىرىلگەن مەرزىمى مەن جونەلتىلگەن مەرزىمىندە قايشىلىقتار تۋىنداعان. سونداي-اق، كەيبىر تاۋار پارتيالارىندا سانيتارلىق قۇجاتتار تابىلماعان. قازىرگى تاڭدا تاركىلەنگەن تاۋارلار كەرى قايتارىلۋعا جىبەرىلگەن.
- سونىمەن قاتار، روسسەلحوزنادزور باسقارماسىنداعىلار بەلورۋسيادان قازاقستانعا اكەلىنە جاتقان 20 تونناعا جۋىق الما تيەلگەن جۇك پويىزىن استراحان وبلىسىندا قۇقىقتاعان. كەيىن انىقتالعانداي قۇجاتتاردا مولدوۆالىق دەپ بەلگىلەنگەن المالاردىڭ ورىنانا سانكسيالار سالىنعان پولياك المالارى تابىلعان.
- ال ومبى وبلىسىندا قازاقستاننان رەسەيگە جونەلتىلگەن 58 توننا پولياك الماسى تاركىلەنگەن.
- سونداي-اق، رسسەلحوزنادزور باسقارماسى ءنوۆوسىبىر وبلىسىندا قازاقستاننان رەسەي نارىعىنا جونەلتىلگەن 48 توننا كەپتىرىلگەن جەمىستەردى كىرگىزبەي قويعان. ارنايى تەكسەرۋلەر بارىسىندا انىقتالعانداي، قازاقستاندىق جەمىستەردە فيتوسانيتارلىق انىقتامالار جوق بولىپ شىققان.
- ءدال وسىنداي سەبەپتەرمەن جانە 500-گە جۋىق گۇل ۇرىقتارى مەن 8 مىڭعا جۋىق كوشەتتى رەسەي اۋماعىنا وتكىزبەي قويعان.
نۇرگەلدى ءابدىعاني ۇلى
