ماڭعىستاۋ وبلىسىندا ۆاحتاشىلار مىنگەن اۆتوبۋس اۋا رايىنىڭ قولايسىزدىعىنا بايلانىستى جولدىڭ دۇرىس كورىنبەۋىنەن جانە قاتتى جەلدىڭ اسەرىنەن اۋدارىلىپ قالدى.

بۇل تۋرالى ماڭعىستاۋ وبلىسى ءىىد-نىڭ باسپا ءسوز وكىلى ازامات سارسەنبايەۆ لادا پورتالىنا حابارلادى.

جول-كولىك وقيعاسى 29 ناۋرىز كۇنى شامامەن تاڭعى ساعات 7 دە رەسپۋبليكالىق اقتاۋ-جەتىباي-جاڭاوزەن تاسجولىندا بولعان.

ءىىد-نىڭ ءباسپسوز حاتشىلىعىنىڭ مالىمەتىنشە ۆاحتاشىلار مىنگەن Daewoo-BH 117 اۆتوبۋسى قاتتى جەلدىڭ اسەرىنەن سونداي-اق، جولدىڭ دۇرىس كورىنبەۋى سالدارىنان جولدىڭ وڭ جاق بەتىنە قاراي اۋدارىلعان.

اۆتوبۋس اقتاۋدان جەتىبايعا قاراي باعىت العان. جول اپاتىنان ءبىر جولاۋشى ءتۇرلى دەنە جاراقاتتارىن الىپ وبلىستىق اۋرۋحاناعا جىبەرىلگەن. سونىمەن بىرگە تاعىدا  ءۇش جولاۋشى جەتىباي اۋىلىنىڭ اۋداندىق اۋرۋحاناسىنا جۇگىنگەن.

ابىروي بولعاندا جولاۋشىلاردىڭ العان جاراقاتى ومىرلەرىنە ەشقانداي ءقاۋىپ توندىرمەيتىنىن ازامات سارسەنبايەۆ اتاپ ءوتتى.

ونىڭ ايتۋىنشا اۆتوبۋستا 24 ادام بولعان. ولاردىڭ بارلىعى جەتىباي اۋىلىنداعى ۆاحتالىق جۇمىسقا بەت العان “تەحنو-ترەيدينگ لتد” ءجشس-نىڭ جۇمىسشىلارى ەكەن.

ەسكە سالا كەتسەك، ماڭعىستاۋ وبلىسىندا 29 مەن 30 ناۋرىز ارالىعىندا اۋا رايىنىڭ كۇرت تومەندەيتىنى ايتىلعان. مەتەرولگاتردىڭ ايتۋىنشا وسى ارالىقتا وبلىس اۋماعىندا كۇشتى جەل تۇرىپ، بۇرقاسىن بولماق.