جۋىردا قازاقتىڭ حالىق جاۋزىشىسى، اقىن، قوعام قايراتكەرى مۇحتار شاحانوۆقا ازەربايجان رەسپۋبليكاسى تاعايىنداعان تۇركى الەمىنىڭ حالىقارالىق ماحمۇت قاشقاري سىيلىعى تابىس ەتىلدى. بۇل تۋرالى "قامشى" پورتالى حابارلايدى.
اقىن مۇحتار شاحانوۆ ءازىربايجان استاناسى باكۋدە وتكەن جيىن بارىسىندا قوعامداعى، الەمدەگى ەڭ وزەكتى ماسەلەلەر جايلى ءسوز ەتكەن. مىسالى، اعايىندىلاردىڭ بىر-بىرىنە ۇيلەنۋى، گەندىك تازالىقتىڭ بۇزىلۋى، ادامدى رۋحاني بيىكتىككە كوتەرەتىن قۇندىلىقتاردىڭ اربانىڭ بەسىنشى دوڭگەلەگىنە اينالىپ بارا جاتقاندىعى، ارزانقول دۇنيەلەردىڭ "شەديەۆر" بولىپ ەسەپتەلىپ، شىن تالانتاردىڭ تاسادا قۋراپ جاتقاندىعى، الەم حالىقتارىنىڭ تۇرمىستىق-ماتەريالدىق سانا بيلەپ، رۋحانياتتىڭ كەيىنگى قاتارعا ىسىرىلىپ بارا جاتقاندىعى سەكىلدى ءبىرقاتار تاقىرىپتار قاۋزالعان.
قازاق اقىنىنىڭ ءازىربايجاندىق وقىرماندارىنىڭ ارنايى سۇراۋى بويىنشا، ءار تەلەارنالارى مۇحتار شاحانوۆقا ارنالعان قوس بىردەي باعدارلاما تۇسىرگەن.
سونداي-اق، تۇركى الەمى زيالىلار وداعىنىڭ ءتوراعاسى مۇحتار شاحانوۆ وداقتىڭ تاعى ءبىر بولىمشەسىن ءازىربايجان استاناسى باكۋ قالاسىندا اشتى. وداقتىڭ باكۋدەگى بولىمشە باسشىسى بولىپ ءازىربايجان رەسپۋبليكاسى پارلامەنتىنىڭ دەپۋتاتى، اقىن سابىر رۇستەمحانلى تاعايىندالدى.
ەستەرىڭىزدە بولسا، جۋىردا پاكىستان يسلام رەسپۋبليكاسى (پير) پرەزيدەنتى قازاق اقىنى مۇحتار شاحانوۆقا كۇللى مۇسىلمان الەمىنىڭ جوعارعى سىيلىعىن تابىستاعان بولاتىن. مىنە، ارادا اي وتپەي جاتىپ، تاعى ءبىر بەدەلدى ماراپاتتى ءازىربايجاندىق باۋىرلار تابىستاپ وتىر.
نۇرزات توعجان
