بۇگىن «ازاماتتارعا ارنالعان ۇكىمەت» مەملەكەتتىك كورپوراسياسى الماتى قالاسى مامانداندىرىلعان حقو بولىمىندە اۆتوكولىك يەلەرىنە ارنالعان اكسيا ءوتتى دەپ حابارلايدى Qamshy.kz اقپارات اگەنتتىگى «ازاماتتارعا ارنالعان ۇكىمەت» مەملەكەتتىك كورپوراسياسىنىڭ الماتى قالاسى بويىنشا فيليالىنا سىلتەمە جاساي وتىرىپ.
اكسياعا كومپوزيتور ءارى انشى-پەداگوگ التىنبەك قورازبايەۆ، ءانشى، اكتريسا ايجان نۇرماعامبەتوۆا جانە ت.ب. ونەر مايتالماندارى قاتىستى. وتاندىق شوۋ-بيزنەس وكىلدەرى كۇنى بويى ەلەكتروندىق ۇكىمەت پورتالى ارقىلى ءوتىنىش بەرىپ، ازاماتتارعا جۇرگىزۋشى كۋالىگىن تەز ءارى وڭاي الۋ جولدارىن كورسەتتى.
«ءاربىر ادام قۇجاتتارىن اۋىستىرۋ ءۇشىن كۇن ءتارتىبىن بۇزباي، ءوز ۋاقىتىن ۇنەمدەۋىنە جاعداي جاساۋ ماقساتىندا مۇنداي اكسيالاردى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ الماتى قالاسى بويىنشا دەپارتامەنتىمەن بىرگە اۆتوبازارلاردا، ساۋدا ورتالىقتارىندا جانە ت.ب. ادامدار كوپ جينالاتىن ورىنداردا وتكىزىپ ءجۇرمىز» - دەيدى «ازاماتتارعا ارنالعان ۇكىمەت» مەملەكەتتىك كورپوراسياسى الماتى قالاسى فيليالىنىڭ PR-مەنەدجەرى جاڭىل اپەتوۆا.
اكسيا بارىسىندا ايتۋلى قوناقتار ەسق جازىپ الىپ، ءموبيلدى ۇكىمەتكە تىركەلدى، ايىپپۇل، سالىق بەرەشەكتەرىن تەكسەرىپ، تولەمدەر جاسادى. سونىمەن قاتار ولار باسقا اۆتوكولىك يەلەرىنە «جۇرگىزۋشى كۋالىكتەرىن بەرۋ»، «كولىك قۇرالىنىڭ سايكەستەندىرۋ ءنومىرى بويىنشا كولىك قۇرالدارىنىڭ جەكەلەگەن تۇرلەرىن مەملەكەتتىك تىركەۋ جانە ەسەپكە الۋ» مەملەكەتتىك قىزمەتتەرىن ونلاين الۋ ۇدەرىسىن كورسەتتى.
كوپتەگەن مەملەكەتتىك قىزمەتتەردى ۇيدەن شىقپاي-اق الۋ ەش قيىن ەمەس. ول ءۇشىن pki.gov.kz ارقىلى ەسق الۋعا ءوتىنىش بەرىپ، مەملەكەتتىك كورپوراسيانىڭ كەز-كەلگەن فرونت-وفيسىنە بارىپ ءوتىنىشىن راستاپ، قاجەت بولسا وزىنە-وزى قىزمەت كورسەتۋ سەكتورىنان قىزمەت الۋعا بايلانىستى تولىق كەڭەس الۋىنا بولاتىنىن ەستەرىڭىزگە سالامىز.
ايتا كەتەتىنى، جىل باسىنان بەرى الماتى قالاسى №1 مامانداندىرىلعان حقو-دان 69206 جۇرگىزۋشى كۋالىگى الىنعان. ونلاين تۇردە 888 جۇرگىزۋشى كۋالىگى الىنعان. 282874 اۆتوكولىك قۇرالدارىن تىركەۋ، قايتا تىركەۋ قىزمەتتەرى تىركەلگەن. ونلاين تۇردە – 237. كۇنىنە 1500-2300 ادامعا قىزمەت تۇرلەرى كورسەتىلەدى.
