جاپون مەديسيناسى عاسىرلار بويى ادام اعزاسىن ەمدەۋدەگى ءتيىمدى بالاما ءتاسىل رەتىندە قالىپتاستى. اۋىرسىنۋدى باسۋ ءۇشىن ولار اعزانىڭ ءارتۇرلى بولىگىمەن بايلانىستى سىرتقى سەزىم مۇشەلەرى ارقىلى ەمدەۋگە بولادى دەپ سەنەدى. Qamshy.kz اقپارات اگەنتتىگى وقىرمان نازارىنا جاپون مەديسيناسىنىڭ ەڭ تانىمال تاسىلدەرىنىڭ ءبىرى ىشكى اعزانى قول ساۋساقتارى ارقىلى ەمدەۋ ءادىسىن ۇسىنادى.

دجين شين دجيتسۋ (Jin shin Jitsu) — ساۋساقتاردىڭ ارنايى نۇكتەلەرىن باسۋ ارقىلى ەموسيونالدى تەپە-تەڭدىكتى قالپىنا كەلتىرەتىن جاپوندىق ەمدەۋ ونەرىنىڭ كونە ءتۇرى.

ساۋىقتىرۋ اسەرى ءاربىر ساۋساقتى ەكى ىشكى اعزا مۇشەسىمەن بايلانىستى دەگەن سەنىمگە نەگىزدەلەدى سونداي-اق،  فيزيكالىق جانە ەموسيالىق دەنساۋلىقتى جاقسارتادى.

بۇل پروسەدۋراعا تەك 5 مينۋتىڭىزدى ارناپ، ءوزىڭىزدى جايسىز سەزىنگەندە قولدانىپ كورىڭىز.  ىشكى سەنىمىڭىز ارقىلى ونىڭ اسەرىن بىردەن بايقايسىز. ول ءۇشىن جاي عانا بەلگىلى ءبىر اعزامەن بايلانىستى ساۋساقتى ەكىنشى قولمەن 3-5 مينۋتتاي مىقتاپ قىسىپ تۇرىڭىز.
بارلىق ساۋساقتارىڭىزعا ەكىنشى قولمەن ءۇش مينۋت بويى تەرەڭ دەم الىپ، ماسساج جاساڭىز. ماسەلەن:

باس بارماق  اسقازان جانە كوكباۋىرمەن بايلانىستى. وعان ماسساج جاساۋ ارقىلى دەپرەسسيا مەن مازاسىزدىقتى جويۋعا بولادى. جالپى اشۋشاڭدىق، باس اۋرۋى، اسقازان اۋىرعاندا پروسەدۋرانى ورىنداپ كورسەڭىز بولادى.

سۇق ساۋساق پروسەدۋراسىن بۇيرەك پەن نەسەپ جولدارى اۋىرعاندا جاساپ كورۋگە بولادى. قورىققاندا، كوڭىلىڭىز قالىپ، ءوزىڭىزدى جايسىز سەزىنگەندە ەموسيالىق تەپە-تەڭدىكتى قالىپقا كەلتىرەدى. سونداي-اق، ماسساج جاساۋ ارقىلى ءتىس اۋىرعاندى، ارقا جانە بۇلشىق ەت اۋرۋلارىن جەڭىلدەتۋگە بولادى.

ورتاڭعى ساۋساق  باۋىر جانە ءوت جولى جۇمىسىمەن بايلانىستى. 5 مينۋت ورتاڭعى ساۋساقتى قىسىپ، تەرەڭ دەمالىپ ماسساج جاساۋ ارقىلى  اشۋشاڭدىق پەن مازاسىزدىقتان ارىلۋعا بولادى. مۇنداي ادىسكە جاپوندىقتار قان اينالىمىن، باس اۋرۋى مەن شارشاعىشتىقتى جويا الادى دەپ سەنەدى ەكەن.

قولدىڭ ءتورتىنشى ساۋساعى اش ىشەك جانە توق ىشەكپەن تىكەلەي بايلانىستى. اس قورىتۋدى جاقسارتىپ، استما، تەرى اۋرۋلارىن ەمدەۋدە جاقسى كومەكتەسەدى ەكەن. ەموسيالىق تۇرعىدا قايعى-مۇڭنان ارىلۋعا، نەگاتيۆتى جويۋعا سەبەپ بولادى.

كىشكەنتاي ساۋقساقتى جاپوندىق بالاما مەديسينادا جۇرەك جانە ءىش قۇرىلىسپەن بايلانىستىرادى. سۇيەك پەن بۋىن اۋىرىپ، جۇرەگىڭىزدە اقاۋ بولسا، تاماق اۋىرعاندا جاقسى كومەكتەسەدى. سونداي-اق، مازاسىزدىق، سەنىمسىزدىك پەن اشۋشاڭدىقتى جويۋدا ءتيىمدى ءتاسىل.

كەلەسى جول اتالعان سيمپتومدار مازالاسا، وسى پروسەدۋرانى 5 مينۋت جاساپ كورىڭىز. ءتيىمدى اسەرى بىردەن بايقالادى.

 ۇسىنعان: بالجان حالىق