جاپونيادا تۋۋدىڭ تومەندەۋى مەن جۇمىس كۇشىنىڭ ازايۋىنا بايلانىستى ەڭبەك قاجەتتىلىگىن قاناعاتتاندىرۋ ءۇشىن روبوتتاردى قولدانۋعا ءماجبۇر. عالىمدار قۇرىلىس يندۋسترياسىنداعى ادامداردى الماستىراتىن گۋمانويدتىق روبوت ويلاپ تاپتى دەپ حابارلايدى Qamshy.kz اقپارات اگەنتتىگى geek.com پورتالىنىڭ دەرەگىن نەگىزگە الا وتىرىپ. 

ايتا كەتەر بولساق، Advanced Industrial Science and Technology (AIST)  ۇلتتىق ينستيتۋتى HRP-5P قۇرىلىسشى روبوت قۇراستىردى.  ول ءوزىنىڭ التى فۋتتىق بيىكتىگىمەن ەسكى عىلىمي-فانتاستيكالىق فيلمدەردەن ۇنەمى بۇلىك شىعارىپ، يەلەرىن ولتىرۋگە تىرىساتىن قىڭىر مونسترلاردىڭ بىرەۋىنە ۇقسايدى.

اتاۋىنان كورىنىپ تۇرعانداي، بۇل - اندرويدتەردىڭ ۇزىن جەلىسىنىڭ بەسىنشى مودەلى. 1998 جىلى العاش رەت شىققان HRP-1 جاپونيانىڭ بولاشاق روبوتوتەحنيكالىق ەكونوميكاسىنىڭ باستاماسى بولدى.

  HRP-5P ەڭ جاڭا جانە ەڭ وزىق قۇرىلعى بولسا دا، بۇرىنعى مودەلدەرى ءالى كۇنگە قولدانىلۋدا. جاپونيا 2015 جىلى HRP-2 روبوتىن حالىقارالىق DARPA Robotics بايقاۋىندا تانىستىرعان.

  جاپوننىڭ جاڭا روبوتى قۇرىلىسشىلار ءۇشىن ۇلكەن وزگەرىس اكەلۋدە. دەرەككە جۇگىنسەك، بولاشاقتا تۇرعىن ءۇيدىڭ قۇرىلىسىن روبوتتار سالاتىن بولادى. 20 جىل ىشىندە AIST بارلىق جۇمىس ءتۇرىن ادامنىڭ كومەگىنسىز ىستەي الاتىن وسىنداي روبوتتار جاساۋدى جوسپارلاۋدا.

  ەسكى مودەلدەگى گۋمانويدتى روبوتتار نازىك تاپسىرمالاردى ورىنداي السا دا، قيىن جۇمىسقا كەلگەندە ادامنىڭ فيزيكالىق مۇمكىندىكتەرىن ورىنداي المايدى. 

ال AIST  HRP-5Pء-نى قۇرۋ ارقىلى بۇل ماسەلەنى شەشتى، ولار اداممەن بىردەي ءتىپتى ارتىق فيزيكالىق مۇمكىندىكتەرى بار مامانداندىرىلعان قۇرىلىسشى روبوت  جاسادى .

ءبىر قاراعاندا، جاڭا روبوت تاڭعالارلىقتاي ەمەس. ول ادامعا قاراعاندا باياۋ قوزعالادى. الايدا، ونىڭ ەلەكتروندى ميى اداممەن بىردەي كۇش جۇمساپ، ءتىپتى ودان دا جاقسى جۇمىس ىستەي الادى. سونداي-اق، ادامدار شارشايتىن بولسا، بۇل روبوت  كۇنى-تۇنى توقتاماي جۇمىس ىستەي بەرەدى.

AIST ينستيتۋتى وسىلاي جاپونياداعى جۇمىس كۇشىنىڭ جەتىسپەۋشىلىگىنەن تۋىندايتىن ەكونوميكالىق قيىندىقتاردىڭ الدىن الماق. مۇنداي جاعدايدا ەڭ الدىمەن قۇرىلىستىڭ  زارداپ شەگەتىنى انىق.

سونىمەن قاتار، زەرتتەۋشىلەر وسى ارقىلى ءقاۋىپتى جەرلەردە جۇمىس ىستەيتىن ادامداردىڭ جازاتايىم وقيعالارعا ۇشىراپ، كوز جۇمۋىن ازايتۋدى قالايدى. قۇرىلىسشىلار اۋىر تەحنيكانى قولدانىپ، كولەمدى ماتەريالداردى كوتەرگەندىكتەن دەنە  جاراقاتىن كوپ الادى. زەرتتەۋ ينستيتۋتى وسى قيىندىقتارعا ەڭ دۇرىس شەشىم سوڭعى تەحنولوگيالاردى قولدانا وتىرىپ، گۋمانويدتىق روبوتتاردى جاساۋ بولىپ تابىلاتىنىن ايتادى. بۇل ماشينالار ادامداردى قۇرىلىس الاڭدارىندا جانە باسقا ءقاۋىپتى ورتالاردا اۋىستىرا الادى.

گۋمانويدتى روبوتتار ورگانيكالىق تۇردە جۇمىس ىستەيدى. وسىلايشا ولار ەشكىمگە كەدەرگى كەلتىرمەستەن جۇمىس ورتاسىنا ءسىڭىسىپ كەتۋى مۇمكىن.