سايلاۋ وتەدى دەگەلى،
كورمەگەن كوردىك كوپ دەيدى
اق جاۋىننىڭ ارتىنان
ساڭىراۋقۇلاقتار كوكتەيدى.
كانديداتتاردىڭ ىشىندە
تاسماعامبەتوۆ جوق دەيدى،
ارمانعا جەتتى قۋ تۇلكى
ارلاندارىما وق ءتيدى.
كومۋنيستەردىڭ تاڭداۋى
جامبىل احمەتبەك دەيدى.
ۇل بولىپ جارىتپاعاندار
ۇلتقا قىزمەت ەتپەيدى.
قوسانوۆتاي اعامدى
قوستايتىندار كوپ دەيدى،
ءبارىبىر ونىڭ داۋىسى
توقايەۆقا جەتپەيدى.
ەلىمنىڭ جايى نە بولماق؟!
تەمىردىڭ ءوزىن توت جەيدى.
كىمنىڭ پرەزيدەنت بولارىن
ەلباسى ءوزى رەتتەيدى.
جىرلاي بەرىپ قايتەيىن؟!
ءبارىبىر ءادىل وتپەيدى،
تىرنانى قاراۋىل قويسا
توبەڭنەن قيقۋ كەتپەيدى...
اۆتورى: اسپانبەك شۇعاتايەۆ
ۇسىنعان: اسەل بولات قىزى
پىكىر قالدىرۋ