بۇگىن، 30 مامىر كۇنى تاتۋلاسۋ جانە قۇقىق قورعاۋ قىزمەتتەرى ورتالىعىنىڭ سالتاناتتى اشىلۋ ءراسىمى ءوتتى. سالتاناتتى راسىمگە باقىلاۋ-قاداعالاۋ ورگاندارىنىڭ، وبلىستىق سوتتىڭ، ادىلەت باسقارماسىنىڭ جانە اتىراۋ وبلىسى اكىمدىگىنىڭ ءبىرىنشى باسشىلارى قاتىستى.
ايتا كەتۋ كەرەك، قۇقىق قورعاۋ قىزمەتى ورتالىعى ءبىر جارىم جىل بۇرىن ءوز قىزمەتىن باستادى، بيىلعى جىلى مەكەمە اتاۋى وزگەرتىلدى جانە حالىققا كورسەتىلەتىن قىزمەتتەر سپەكترىن كەڭەيتتى.

 

- ورتالىقتا قوسىمشا پسيحولوگ، "سوت كابينەتى" ەلەكتروندى سەرۆيسى بويىنشا جاۋاپتى مامان قىزمەت كورسەتەدى جانە سۋديا ادەبى جونىندەگى كوميسسيا مۇشەلەرىنىڭ قابىلداۋى جۇرگىزىلەدى»، - دەدى اتىراۋ وبلىسى پروكۋرورىنىڭ اعا كومەكشىسى لۋيزا كارينا.

 

ايتا كەتۋ كەرەك، اتاۋ وزگەرتىلگەنگە  دەيىن ورتالىقتا  بىلىكتى زاڭگەرلەر، ادۆوكاتتار، مەدياتورلار، سوت پريستاۆتارى، نوتاريۋستار، پوليسيا قىزمەتكەرلەرى، پروباسيا قىزمەتكەرلەرى جانە پروكۋرورلار قىزمەت ەتتى. مۇندا بارلىق قىزمەتتەر ءبىر تەرەزە قاعيداتى بويىنشا شوعىرلانعان.

 

- بۇگىن اتىراۋ وبلىسىنىڭ ءاربىر تۇرعىنى بىلىكتى زاڭگەرلىك كومەك الۋعا قۇقىلى. وبلىستىڭ قۇقىق قورعاۋ قۇرىلىمدارى كۇندەلىكتى ازاماتتار ءۇشىن بارلىق قاجەتتى جانە قولايلى جاعدايلار جاساۋعا تىرىسادى »،- دەدى اتىراۋ وبلىسى اكىمىنىڭ ءبىرىنشى ورىنباسارى سەرىك شاپكەنوۆ ءوز قۇتتىقتاۋ سوزىندە.
سول كۇنى اتىراۋ وبلىستىق پروكۋرورىنىڭ، اتىراۋ وبلىستىق سوتىنىڭ ءتوراعاسى مەن زاڭگەردىڭ قاتىسۋىمەن قۇقىق قورعاۋ جانە تاتۋلاسۋ قىزمەتتەرى ورتالىعىندا وبلىستىق پوليسيا باسقارماسىنىڭ، وبلىستىق مەملەكەتتىك كىرىس دەپارتامەنتىنىڭ، وبلىستىق ادىلەت باسقارماسىنىڭ باسشىلارى جانە اتىراۋ قالاسى اكىمىنىڭ ورىنباسارىنىڭ قاتىسۋىمەن اشىق ەسىك كۇنى ءوتتى. بۇل كۇنى اتىراۋ قالاسىنىڭ 50-گە جۋىق تۇرعىنى قىزىعۋشىلىق تۋدىراتىن ماسەلەلەر بويىنشا كەڭەس الدى.

 

ەسكە سالا كەتەيىك، تاتۋلاسۋ جانە قۇقىق قورعاۋ قىزمەتتەرى ورتالىعى اتىراۋ قالاسى، ساتپايەۆ كوشەسى، 25 مەكەن-جايىندا ورنالاسقان.