"سىبايلاس جەمقورلىققا قارسى ءىس-قيمىل ۇلتتىق بيۋروسى ءبىلىم جانە عىلىم ۆيسە-مينيسترىنە قاتىستى لاۋازىمدىق وكىلەتتىلىكتەرىن تەرىس پايدالانۋ، پارا الۋ، كاسىپكەرلىك قىزمەتكە زاڭسىز قاتىسۋ فاكتىلەرى بويىنشا سوتقا دەيىنگى تەرگەۋدى باستادى. سوت سانكسياسىمەن ءبىلىم جانە ءبىلىم ۆيسە-مينيسترىنە كۇزەتپەن ۇستاۋ شاراسى قابىلداندى. تەرگەۋ جالعاسىپ جاتىر"، - دەدى اگەنتتىكتىڭ رەسمي وكىلى جاننا باستاروۆا.

ول قىلمىستىق-پروسەستىك كودەكستىڭ 201-بابىنا سايكەس وزگە اقپارات جاريا ەتىلمەيتىنىن اتاپ ءوتتى.

"ءبىراق ءبىر نارسەنى اتاپ وتكىم كەلەدى، ۆيسە-مينيسترگە قاتىستى تەرگەۋ قىلمىستىق كودەكستىڭ 361ء-شى، 364ء-شى جانە 366ء-شى باپتارى بويىنشا جۇرگىزىلىپ جاتىر. كۇدىكتىگە قاتىستى تۇپكىلىكتى شەشىمدى سوت شىعارادى"، - دەپ تۇيىندەدى باستاروۆا.

ايتا كەتسەك، 5 ماۋسىم كۇنى سىبايلاس جەمقورلىققا قارسى ءىس-قيمىل ۇلتتىق بيۋروسى ءبىلىم جانە عىلىم ۆيسە-مينيسترىنە قاتىستى سوتقا دەيىنگى تەرگەۋ باستالعانىن مالىمدەگەن بولاتىن. الايدا ونىڭ ەسىمىن جاريالاعان جوق. 

ال بۇگىن نۇر-سۇلتان قالاسىنىڭ مامانداندىرىلعان اۋدانارالىق تەرگەۋ سوتى كۇدىكتى ەلميرا سۋحانبەردييەۆانىڭ ەكى ايعا قاماۋعا الىنعانىن حابارلادى.  

ەلميرا سۋحانبەردييەۆا ءال-فارابي اتىنداعى قازاق ۇلتتىق ۋنيۆەرسيتەتىن ءتامامداعان، پسيحولوگيا عىلىمدارىنىڭ كانديداتى. ەڭبەك جولىن 1989 جىلى اقتاۋ مەكتەبىندە تاريح ءپانىنىڭ ءمۇعالىمى بولىپ باستادى.

2000 جىلى الماتى وبلىسى ىلە اۋدانى اكىمى اپپاراتىنىڭ ۇيىمداستىرۋشىلىق-كادر جۇمىسىنىڭ باس مامانى بولدى. الماتىدا "اي-نۇر" جەكەمەنشىك لينگۆيستيكالىق گيمنازياسىنىڭ اتقارۋشى ديرەكتورى، كەيىن الماتى وبلىسى ىلە اۋدانى №7 ورتا مەكتەبىنىڭ ديرەكتورى بولىپ جۇمىس ىستەدى.

2007-2009 جىلدار ارالىعىندا الماتىداعى "قازاقستان" رەسپۋبليكالىق تەلەراديوكورپوراسياسىندا باسقارۋشى لاۋازىمداردى اتقاردى.

2013-2016 جىلدارى استانانىڭ (قازىرگى نۇر-سۇلتان) ءبىلىم باسقارماسىن باسقاردى. 2016 جىلدىڭ ساۋىرىندە ءبىلىم جانە عىلىم ءمينيسترىنىڭ ورىنباسارى بولىپ تاعايىندالدى.

سونداي-اق، ەلميرا سۋحانبەردييەۆا – بەسىنشى شاقىرىلىمداعى ەلوردالىق ءماسليحاتتىڭ دەپۋتاتى، ءبىلىم سالاسىنىڭ قۇرمەتتى قىزمەتكەرى اتاعى دا بار.

مەنەدجمەنت جانە باسقارۋعا قاتىستى ءبىرقاتار ماقالانىڭ اۆتورى: "بىلىمدەگى جاڭالىقتار"، "ءبىلىم"، "12-جىلدىق ءبىلىم"، "ءبىلىم ۇيىمى جەتەكشىسىنىڭ انىقتامالىعى"، "قازاقستان مەكتەبىندەگى تاريح"، "قازاق ۇستازى"، "استانا" جانە تاعى باسقالارى.