ۇستىمىزدەگى جىلدىڭ 1-ساۋىرىندە شىعىس قازاقستان وبلىسىندا 1 ميلليون 377 مىڭ 525 ادام تۇرىپ جاتقان. ءبىر جىل قورىتىندىسىمەن العاندا ايماقتاعى تۇرعىندار سانى 5318 ادامعا، 0،4 پايىزعا ازايعان دەپ جازادى Qamshy.kz اقپارات اگەنتتىگى ۋستينكا سايتىنا سىلتەمە جاساپ.

ستاتيستيكالىق مالىمەتتەر كورسەتىپ تۇرعان حالىق سانىنىڭ تومەندەۋ ۇدەرىسى ميگراسيا اسەرىنەن. شقو-نى 12870 ادام تاستاپ كەتكەن. ءبىراق تابيعي ءوسىم ناتيجەسىندە ەلىمىزدىڭ بۇل ايماعى 7652 ادامعا قايتا تولىقتى. قورىتىندى ەسەپتە وبلىس ايماعىنان تىسقارى كەتكەندەر سانى ازايدى. شىعىس قازاقستان وبلىسى تۇرعىندار سانى بويىنشا الماتى، تۇركىستان وبلىسى مەن الماتى قالاسىنان كەيىنگى ءتورتىنشى ورىنعا يە. شىعىستاعى ازاماتتاردىڭ 62 پايىزى قالالىق جەردە تۇرسا، 38 پايىزى اۋىلدىق جەردە تۇراقتاعان.

شقو-دا ەرلەرگە قاراعاندا ايەلدەر سانى ايتارلىقتاي باسىم. 1-ساۋىردەگى مالىمەتكە سۇيەنسەك، ايماقتاعى ەرلەر سانى 657،5 مىڭ بولدى. ال نازىك جاندىلاردىڭ سانى 720 مىڭدى قۇراعان.

وبلىستاعى حالىق تىعىز ورنالاسقان قالالار رەتىندە وسكەمەن جانە كۋرچاتوۆ شاھارلارىنىڭ اتى اتالدى.