9-ماۋسىمدا قوعامدىق كولىك كومپانيالارى جەرگىلىكتى تۇرعىنداردان جول اقىسىن المايدى، دەپ حابارلايدى اتىراۋ قالاسى اكىمدىگىنىڭ باسپا ءسوز قىزمەتى.
بۇل تۋرالى اتىراۋ قالاسى اكىمىنىڭ ورىنباسارى شاكىر كەيكىن جيىن بارىسىندا مالىمدەدى.
شاكىر كەيكىننىڭ ايتۋىنشا، جەكسەنبى، 9 ماۋسىمدا، قالا ىشىندەگى جانە قالا ماڭىنداعى اۋىلدىق وكرۋگ تۇرعىندارى ءۇشىن قوعامدىق كولىكتەگى جول اقىسى تەگىن بولادى.
- بۇل، ەڭ الدىمەن، سايلاۋعا قاتىسۋعا نيەت بىلدىرگەن تۇرعىندارعا ىڭعايلى بولۋ ءۇشىن جاسالادى. اۆتوبۋستار 7.00-دەن باستاپ جولاۋشىلارعا قىزمەت كورسەتە باستاپ، 21.00-گە دەيىن جۇمىس ىستەيدى، - دەدى شاكىر كەيكىن.
بۇگىنگى كۇنى اتىراۋدا 9 تاسىمالداۋشى كومپانياعا قىزمەت كورسەتەتىن 30 مارشرۋتتىق باعىت بار.
پىكىر قالدىرۋ