ىشكى ىستەر ءمينيسترىنىڭ ورىنباسارى مارات قوجايەۆ الماتى مەن نۇر-سۇلتاندا 500 ادامنىڭ پوليسياعا جەتكىزىلگەنىن ايتتى، دەپ حابارلايدى Qamshy.kz اقپارات اگەنتتىگى Zakon.kz سايتىنا سىلتەمە جاساپ.

19 مىڭ پوليسەي، تج قىزمەتىنىڭ 6 مىڭ قىزمەتكەرى، ۆولونتەرلەر جۇمىسقا شىقتى. كوشەلەر مەن قوعامدىق جەرلەردەگى قاۋىپسىزدىكتى پوليسيا، اسكەريلەر، ۇلتتىق گۆارديانىڭ 10 مىڭ قىزمەتكەرى قامتاماسىز ەتتى، – دەدى قوجايەۆ.

ال سايلاۋ ۋچاسكەلەرىندە جاعداي تۇراقتى بولدى.

"نۇر-سۇلتان مەن الماتى قالالارىندا زاڭسىز اكسيالار وتكەن جەرلەردەن پوليسياعا شامامەن 500-دەي ادام جەتكىزىلدى. پوليسيانىڭ ارەكەتىنە كەلسەك، بارلىق شارالار زاڭعا ساي ءوتتى، ازاماتتارمەن قارىم-قاتىناس كەزىندە ءتارتىپ ساقشىلارى مەيلىنشە ۇستامدى بولدى"، – دەدى قوجايەۆ.

ءتارتىپ بۇزۋشىلاردى ۇستاۋ كەزىندە ارنايى قۇرالدار قولدانىلعان جوق. جەلىدە پوليسيادان تاياق جەگەن، ءتىپتى ءبىر ادامنىڭ قايتىس بولىپ كەتكەنى تۋرالى قاۋەسەتتەر ءجۇر – ولار شىندىققا ساي كەلمەيدى.