اتىراۋ وبلىسى اكىمىنىڭ ءبىرىنشى ورىنباسارى سەرىك شاپكەنوۆ وبلىستىق IV "جاس تۇلەك-2019" فورۋمىندا ۇزدىك تۇلەكتەردى ورتا مەكتەپ بىتىرگەندىگىن راستايتىن كۋالىك جانە "التىن بەلگى" الۋلارىمەن قۇتتىقتادى.

ماحامبەت وتەمىس ۇلى اتىنداعى وبلىستىق اكادەميالىق دراما تەاترىندا تۇلەكتەردى «التىن بەلگى» بەلگىسىمەن ماراپاتتاۋ ءراسىمى ءوتتى.
ءوزىنىڭ قۇتتىقتاۋ سوزىندە سەرىك شاپكەنوۆ تۇلەكتەر ءوز جەتىستىكتەرى ءۇشىن اعا تالىمگەرلەرىنە قارىزدار ەكەندىگىن ەسكە سالدى.

- سىزدەر بۇگىن ەڭ ۇزدىكسىزدەر، كوپكە ۇلگىسىزدەر. بۇل ءۇشىن سىزدەر تەك ۇستازدارىڭىزعا عانا ەمەس، اتا-انالارىڭىزعا دا قارىزدارسىزدار. پاتريوتتىق مىندەتتەردى ورىنداۋدىڭ ۇلگىسى بولاتىندارىڭىزعا، ءوز جولدارىڭىزدى تاڭداپ، وڭىرلىك ەكونوميكانىڭ دامۋىنا ۇلەس قوساتىندارىڭىزعا سەنىمدىمىن. سىزدەرگە زور دەنساۋلىق، بايلىق، ۇلى ەلدىڭ دامۋى ءۇشىن يگىلىكتى ىستەر تىلەيمىن»، - دەدى سەرىك شاپكەنوۆ.

ماراپاتتاۋ ءراسىمى كونسەرتپەن جالعاستى.

ايتا كەتەيىك، بيىلعى جىلى ايماقتا بارلىعى 5222 ادام مەكتەپ بىتىرگەن. 191 تۇلەك «التىن بەلگىگە» يە بولدى، 168 ءبىتىرۋشى ۇزدىك اتتەستات الدى.